“6 أبريل” ترد على حكم حظر نشاطها بمهاجمة القضاء والداخلية واتهام 30 يونيو بـ”الانقلاب”

مراسلينا

أصدرت حركة 6 أبريل بيانًا ترد فيه على الحكم الصادربحظر أنشطتها، مشيرة إلى أن أنشطة الحركة سلمية وللتعبير عن الرأي، كما هاجمت الحركة في بيانها كل من القضاء والداخلية، ووصفت 30 يونيو بالانقلاب العسكري .

وأوضح البيان أن الحركة لم تحصل على إذن أو تصريح لإنشائها، ومن حق أي إنسان التعبير عن رأيه بسلمية وليس من حق أي شخص منعه لأى سبب  .

واختتم نص البيان بالتأكيد على استمرار الحركة في نشاطها ودعمها لحُلم الشباب : “6 أبريل مش مجرد حركة .. 6 أبريل فكرة .. 6 أبريل جزء مهم من صوت الجيل ده وحلمه .. مكملين وأنشطتنا ورأينا وصوتنا هنقوله زى ما إحنا عاوزين”  .

وجاء بنص البيان :  أنشطة الحركة هدفها الأساسى الاعتراض على كل نشاط بيعمله نظام الحكم وبتكون نتيجته تخريب الدولة .. الدولة اللى بتحتل المركز الأخير فى مستوى التعليم .. الدولة اللى تقريبا نصف عدد مواطنيها اميين…الدولة اللى اكتر من 60 فى المية من مواطنيها تحت خط الفقر…الدولة اللى فيا حوالى 12 مليون مريض كبد وزيهم مرضى فشل كلوى…الدولة اللى شبابها مش عارف يتعلم ولا يشتغل ولا يعيش…الدولة اللى بتقتل وتسحل وتسجن معارضيها…الدولة اللى قضائها مسيس وبيستنى الحكم فى التليفون…الدولة اللى شرطتها بلطجيةانشطتها تنحصر فى الفساد والقتل والتعذيب والبلطجة…الدولة اللى جيشها اللى المفروض يحميها بياخد 40 فى المية من موازنتها بلاحساب ولا رقيب وسايب مهامه الاساسية ومتفرغ للسياسة ودعم مرشحه قائد انقلابه العسكرى عشان يحافظ على امبراطوريته الاقتصادية ……لو الدولة دى بالشكل دا مش خربانة اصلا ولو إن تراكم أخطاء نظم الحكم المتعاقبة جعل صورة الدول من الهشاشة بحيث إن هتاف متظاهر أو صرخة مظلوم ممكن تشوهها، يبقى الحكم مش هيغير من واقع الأمر فى شىء  .