“هاشتاج #مش_هنشحن” علي مواقع التواصل الأجتماعي إعتراضا علي زيادة أسعار كروت الشحن

اللواء الأخبارية /

أطلق رواد مواقع التواصل الاجتماعي حملة و”هاشتاج #مش_هنشحن” اعتراضا على الزيادة الأخيرة في أسعار كروت الشحن التي بلغت 36٪.

وقال أحمد عبدالنبي أحد مؤسسي ما ثورة الإنترنت وحملة مش هنشحن، على صفحته على “فيس بوك: “هنقاطع شركات الاتصالات من يوم 30\9 عشان غلاء أسعار كروت الشحن وإنترنت الأرضي، وعلشان سوء خدمة الإنترنت وعدم تطويرها”.

ويضيف: “أسعار الكروت حاليًا هتتخفض قيميتها بنسبة 36% يعني الكارت أبو 110 هيديلك 70 ج رصيد بس، وعلشان كده مش هنشتري كروت شحن ولا هنتكلم في الموبايل نهائياً، ولا هنجدد الباقات ولا الفواتير وهنعلن ده في كل مكان وعلى كل إيميلاتنا”.

وتابع: “هنقفل موبايلاتنا كل يوم من الساعة 6 لـ 12 مساءً أو هنعمل وضع الطيران airplane mode””، وخلال اليومين دول لازم نعرف كل مصر ونخليهم يقاطعوا، منشن وشير وعرف كل أصحابك وخليهم يشاركوا معانا، سكوتك إمبارح خلاهم يسرقوك النهاردة.. وسكوتك النهاردة هيخليهم يسرقوك بكرة وبعده، قاطع الغلاء بالاستغناء.. (مش_هنشحن)”.

وأرسل الجهاز القومي لتنظيم الاتصالات لشركات المحمول، أمس، موافقته على خفض رصيد كروت الشحن بنسبة بلغت 36% مع ثبات أسعارها، ومن المتوقع أن تًطبق الزيادة فقط على عملاء الكارت ابتداءً من فجر الجمعة دون تطبيق ذلك على عملاء الفاتورة.