مندى الفراخ ع طريقة بوبوس
اكلات بوبوس
المقادير
اولا تتبيلة الفراخ
فرخه مقطعه اربع
بصلة وسط مبشورة
جزرة مبشورة
فلفل رومى اخضر مبشور
معلقه صغيرة ملح وفلفل اسمر
نص معلقه صغيره كمون
نص معلقه قرفة
عصير ليمونه
نص معلقه كارى
معلقه كبيرة كسبرة ناشفه مطحونه
ف الخلاط (٢ورق لاورو +٢حبهان +٢فص توم+نص ليمونه ناشفه)
ثانيا تتبيله الارز
عود قرفه خشب
ليمونه ناشفه
معلقه صغيرة كركم او زعفران
٢ورق لاورو
٢حبهان
٢قرنفل
معلقه سمنه او زيت زرة
بصلة مبشورة متوسطه
مكعب مرقه
هنا بعد ما قطعت الفراخ اربعه عملت فيها شقوق بالسكينه ودخلت التتبيله ف الشقوق دى وتحت الجلد وعليها ونتركها لحين الانتهاء من الارز
وهنا عملت الارز
نضع السمنه او الزيت ف حله ع النار ونضع فيها بهارات الارز لغايه ما نشم ريحتها ونقلب كويس وبعدين نضع البصله المفرومه وعليها الملح والفلفل وبعدين ندوب معلقه الكركم او الزعفران ف معلقه مايه ونقلبهم ع البصله وبعدين نضع الارز ونقلب وبعدين نضع الشوربه او مايه مدوبين فيها مكعب مرقه ولكل كوب ارز نضع كوب الاربع مايه بالشكل ده
وف صنيه نضع الارز ونغطى الصنيه بفويل ونخرمه بالشكل ده ومهم انه يكون كله متخرم بالشكل ده
هنا حطينا الفراخ فوق الفويل زى ما انتوا شايفين كده
التعليقات مغلقة الان