ملف خاص بكل ما يخص البشرة والمرأة

اللواء الاخبارية- طمطم

بسم الله الرحمن الرحيم
انهاردة يوم البشرة وكل ما يخص المرأة
ملف2 كل ما يخص البشرة والجسم

حلقة النهاردة خاصة بالبشرة والجسم وكل ما يتعلق باناقة المرأة
اول حاجة هاتكلم فيها انهاردة اننا داخلين عالصيف وطبعا الشمس بتحرق بشرتنا وخصوصا الستات اللى بتشتغل
علشان كدة هاقولكوا تجربتى فى الصيف للحماية من الشمس
انا بستعمل بايوديرما واقى شمس هو فى منة 100 وفى منة 50 دى درجات الحماية انا بصراحة بجيب 50 %
مش قادرة اقولكوا انة كريم مرطب وفى نفس الوقت زى كريم الاساس بالظبط بيخلى البشرة نضرة وفاتحة ومش فيها زيت زى كل الكريمات الواقى العادية طبعا لان شركة بايوديرما معروفة اوى
وفى منه لانواع البشرة انا بجيب الكريمى لان بشرتى دهنية طبعا هو غالى بس ميغلاش على بشرتنا
انا بشترية كل سنة بحط منة عادى قبل ما انزل بربع ساعة على بشرتى كلها حتى تحت عينى
لانة مرطب ومفتح وحامى من الشمس بجد روووووووعة ولازم اى ست تجيبة انا اختى
كل اما تشوفنى حطاة تقولى بشرتك صاااااااااااااافية جدا مش عارفة ازاى هههههههه فا قولتلها على طبعا
احلى واقى شمس وسعرة 130 جنية وموجود فى صيدليات العزبى والصيدليات الكبيرة وانا نزلتلكوا صورتة

طبعا كلنا ملبوخين فى المطبخ ومش بنهتم بنفسنا مع اننا بخطوات بسيطة ممكن نهتم بنفسنا
اول حاجة هاتكلم عليها ان فى تنظيف 3 مرات للبشرة فى اليوم وعلى 3 مراحل
مرحلة النظيف
ومرحلة قفل المسامات
ومرحلة الترطيب
1- مرحلة التنظيف لازم ننظف بشرتنا من اى اتربة اول ما تقوم الصبح وفى وسط النهار وقبل ما ننام ودة ياريت منستخدمش صابونة نحاول نجيب غسول للبشرة انا عن نفسى بستعمل منظف نيتروجينا ب50 جنية رااااااااااااااااااائع وبيقعد كتير اوى 4 شهور معايا او 5 كمان وهو منظف وماسك كمان دة بقى لما بغسل بشرتى بحس انها بتتنفس بجد رووووووووعةوبيخليها نضرة
2-مرحلة قفل المسامات لما بنغسل بشرتنا المسام بتتفتح لازم نقفلها امل بلوشن او تجيبى ماء ورد ولقطنة تمشيها على بشرتك انا عن نفسى بجيب ماء ورد
3- مرحلة الترطيب لازم مررررررررررررررررررررررطب اى مرطب انا بستعمل نيفيا
كل الحاجات دى لازم تعمليها كل يوم اسبوع واحد وشوفى بقى شكل بشرتك هاتبقى عاملة ازاى هاتقوليلى انا فاضية اعمل الحاجات دى لالازم تفضى هاتعمليها بسرعة علشان جوزك يحس انك مهتمة بنفسك
نيجى بقى للتنظيف العميق للبشرة اللى كل الناس بتشوف الممثلات بشرتهم بتلمع طبعا بيروحوا البيوتى سنتر يعملوا تنظيف عميق لبشرتهم واحنا ولا كاننا هنا بنقعد بس نتفرج ونقول بيجيبوا الجمال دة منين انا بقى هاقولكوا ازاى تعملوا النتواياج او التنظيف العميق زى ما بنقول للبشرة وفى البيت بكل التكات والاسرار
ركزوا معايا
هما اربع مراحل اعملوهم مرة واحةد فى الاسبوع او حتى مرتين كل شهر
1-مرحلة التنظيف
2-مرحلة التقشير
3-مرحلة البخار
4-مرحلة الترطيب
هانتكلم عن كل حاجة
1-مرحلة التنظيف: هاتغسلى وشك كويس اوى علشان لو فى اثار لاى مكياج وت

جيبى قطنة وتبليها بالبن وتمسحى بشرتك بيها
2-مرحلة التقشير : اى مقشر عندك ويفضل بالمشمش ول مفيش انا بعمل واحد فى البيت
(2 ملعقة ترمس مطحون +ملعقة زبادى +ملعقة عسل نحل)هاتندهنى بيهم بشرتك كويس اوى وتسيبيها 20 دقيقة لما ينشف تفركى بشرتك بالرحاة بمية دافية وبعدين ماء فاتر
3-مرحلة البخار : هانحضر حلة فيها مية بتغلى وجواه نعناع او بابونج وندهن بشرتنا اى مرطب عادى ونلف شعرنا باى حاجة علشان البخار ميطلع عالشعر عوزينة يتركز عالبرة وهتقربى وشك للبخار بس مش اوى وغطى راسك والحلة بفوطة وكل شوية رجعة وشك علشان تتنفسى اعملى البخار دة عشر دقايق وبعدين اغسلى وشك بماء بارد بس
نيجى بقى للتكاااااية اللى بيعملوها فى مراكز التجميل
بيجيبوا زبدة فول السودانى وبيدهنوا بيها البشر ة وترجعى وشك عالبخار تانى عشر دقايق وبعدين تمسحى وشك وتغسلية بماء دافى ثم ماء فاتر
4-مرحلة الترطيب :
هانعمل ماسك للبشرة خيارة مبشورة صغير اوى وعليها ملعقتين زبادى وعالبشرة لمدة 20 دقيقة
وبعدين اغسلى وشك بمية دافية ثم فاترة وشوفى وشك وادعيلى وبعدين حطى مرطب
الناتواياج دة اعملية كل اسبوع بلاش ياستى كل اسبوعين بلاش ياستى كل شهر لكن حرام علينا لما نسيب بشرتنا تتملى طبقات جلد ميتة وبشرة باهتة وحاجة صعبة اوى

نتكلم بقى عن الهالات السودة اللى مغلبة كل الناس
بنعملها كمادات شاى وكماددات خيار انا عندى نفس المشكلة بس توصلت لحل ليها
بستخدم كبسولات مقوية للدم اسمها ثيراجران ب16 جنية باخد واحدة قبل النوم
وكمان برشام اسمة سيفارول فيتامين سى 500 سعرة رخيص اوى بخمسة جنية برضو بالليل قبل ما انام
بس فى حاجة دة بيستخدم لمدة 3 شهور فقطططططططططططططططط
انا حسيت بتحسن لما استخدمتىة فى اول اسبوع الهالات خفت
نتكلم بقى على بشرة الجسم :

جربى كدة تملى البانيو مية سخنة وتقعدى فية وشوفى بعد نص ساعة ادعكى جسمك بالليفة شوفى بقى هاتنزلى طيييييييييينة مفرولة كدة اد اية طبعا واحنا مش واخدين بالنا ويلا شاور فى السريع واقلب وجسمنا عمال يغمق
لازم ندعك جسمنا كويس
ولازم نرطب جسمنا كويس
لازم لوشن للجسم بعد الحمام تدهنى جسمك بية
انا بستخدم لوشن اسمة فروتينى هانزلكوا صورتةيرووووووووعة وبيخلى ريحة جسمك جنااااااااااااان
معندكيش او مش قادرة تجيبى بكل سهولة هاتى جونسون بيبى اويل وادهنى بية جسمك بعد الحموم وبس وشوفى بشرة جسمك هاتبقى بتلمع
نيجى للارجل :
طبعا اكتريتنا عندها مشكلة فى تشققات القدم فى مرهو بيزيل كل دة اسمة كارباميد فى الصيدلية ب3 جنية تدهنى رجلك وتلبسى شراب لحد ما تزول التشققات
وانا بستعمل خلطة داااااائما عبارة عن
زجاجة جليسرين من الصيدلية جليسرين نقى بفضيها فى بولة واضع معاها عصير ليمونتين وارجعها تانى فى الزجاجة وبدهن بيها رجل طول النار وبالبس شراب وقبل ما زوجى يجى اقلعة واغسل رجلى واتفرجى على النعومة والاحمرار والجمال
نيجى للايدين :
دايما بحطلها مرطب علشان تبقى ناعمة وفاتحة
نيجى للشعر:
كلنا بنغسل شعرنا ونلفة كعكة ونفضل بية طول اليوم والزوج يجى يلاقى ستوتة فى وشة لا طبعا
لازم نعالجة لفية طاقية او لو عندك سيشوار اعملية او مكوى مش للزم كل يوم لا عادى يوم كدة ويم تعملية كيرلى يوم تضفرية زى الاطفال اى تغيير علشان يحس بالتغيير ولاااااااااااااااااازم قبل ما جوزك يجى يلاقيكى لابسه لبس كويس اوى واى وحاطة برفان ومزيل عرق وشوية مكياج خفيف مش لازم كتير روجاجو وكحل وخلاص بس المهم يحس بفرق هو مش هايقولك ولا حاجة بس هو هايبقى مبسوط من جواة
يارب اكون عرفت افيدكوا واى حد عندة معلومة ينزلها فى التعليقات واى سؤال برضو فى التعليقات
· تمّ التحديث في ‏منذ حوالي ‏10‏ أشهر‏