مصر ام الباشا والبيه

للشاعر عماد الحصري

يا مصر يا ام الباشا و البيه
قالوا كتير هتقع ماوقعتش ليه ؟!
اوصفك بايه ولا ايه !!!
ابدأ بايه واسيب ايه و اتّكى على ايه
ومين اكون عشان اوصفك واطلع انا ايه؟؟!!

اقول شديده.؟..مش جديده
اقول رهيبه؟ … مش غريبه
اقول عنيده ؟.. مش بعيده

فى قربك سعاده … ودى حاجه معتاده
خلوا بالكم يا ساده ..دى ولادها لابسين بياده
عاملين سلاحكم وساده.. نفسهم ينولوا الشهاده
………………
قولت عليكى كريمه برضه طلعت قديمه
وقعتى كتير يا غاليه ..عدت وجيت سليمه
قابلتى كتير يا عاليه ..عيال ولاد لئيمـــه
حاربتى وانتصرتى وخدتى طابا وسينا
يارب احمى بلادنا
واسعد بناتنا وولدنا
دا الحزن راح وعدى
دا كان فاصل وعدنا