*** مصر ***
بقلم الكاتب والشاعر ناجى انس //
مصر
دمى عربى و اسمى مصر
باحكى حكايتى اليوم والامس
قبل انا ما حكي تاريخها الحر
تلاقوه واضح ذى الشمس
على ارضها للمولى خليل
شال الحمل و هو تقيل
قال لنا ليه نعبد تماثيل؟
نعبد رب الحق و بس
إمتى ألاقى الناس احرار؟
و الليل بقى يطلع له نهار
ولا يبقاش حواليها حصار
داللى يخاف بالخوف ينطس
ليه بقى نلقى الخلق معاندة؟
و الدنيا على كل ده شاهدة
داللى يشوف الظلم و يرضى
قلبه يموت جواه الحس
شفنا السيدة ام و عذرا
إبنها كان لها معجزة كبرى
برأها ف اشارة و نظرة
نادى الله وبأعظم حس
إمتى حترجع لنا أمجادنا؟
و نحوط بقى على اولادنا
و نقول للى قدر و جلدنا
حاسب هنا ممنوع اللمس
هنا ربنا نادى لنبيه
خير الخلق اللى مفيش زيه
أسرى معاه طاف بسماه
و رجع بالصلوات الخمس
إمتى نشوف الناس مجتمعة ؟
ويا خشوعها تبان الدمعة
و عددها ف صلاة الجمعة
بيزيد ف الفجر ولا يخس
دلوقتى ع القبلة إمام
ما تشوفوا وراه واقف كام
و إزاى راح يعلى الإسلام ؟
و احنا مبنفهمش الدرس
ولا ف عهد ابن الخطاب
اللى فتح كل الابواب
خاف مولاه و عمل له حساب
عمره ما خاف من جان ولا إنس
إمتى نكون كلنا إيد واحدة ؟
يجمعنا الدين ويا الوحدة
ولا نحتاج من دولا مساعدة
دول عاوزين ياكلونا و بس
بسأل كل بعيد و قريب
إمتى جراحى تروق و تطيب ؟
دانتوا معاكوا هلال و صليب
قالوا كتير إنتم ليه خرس
إمتى يجيلنا إيمان الجيل ؟
يرجع لنا عهدك يا خليل
ننطق بقى و نشد الحيل
يعلى الصوت وكفاية الهمس
واسألوا عنى صلاح الدين
لما نفى لى الصليبيين
كان الأقصى أسير و حزين
حرر كل برئ م الحبس
قوموا و قولوا الدين لله
بكفاية جرح يذل الآه
ويا إيمانكوا عيشوا حياة
لو حتضحوا كمان بالنفس
ولإمتى ساكت يا سكوت
عايش كدة وحدك ملكوت
انت شهيد ما تخافش الموت
عايش و الكون اسكت هس
يالله بقى إعلى يا إيمان
اللى معاه رب الأديان
خطوته تبقى كام فدان
بس ما تمشوش بقى بالعكس.
التعليقات مغلقة الان