مركز سبوت للغات يشرح كيفية التغلب على الخوف عند التحدث باللغة الانجليزية

كتب محمد جمال عبد القادر واسراء النحاس

تشرح الاستاذة امنة النوبى مدير مركز سبوت للغات براس غارب كيفية التغلب على الخوف عن التحدث بالانجلش امام الناس

كتير مننا بيكون عنده قلة ثقة بنفسه لما يبدأ يتكلم أنجلش بيخاف يغلط او او يطلع الكلام مش صح تعالوا نتعرف مع بعض أزاى تتغلب على خوفك بخطوات بسيطة:

1-Understand your fear:-
افهم خوفك : بمعنى انك لازم تعرف اسباب الخوف ده ايه ايه اللى بيخليك متوتر و قلقان من الكلام بالأنجلش اعرف مشكلتك فى ايه بالظبط فى الكلمات نفسها و لا فى الجرامر و لا من الكلام عموما قدام الناس اعرفها و ابتدى اشتغل عليها
2-Breath deep:
خد نفس عميق: قبل ما تبدا الكلام خد نفس عميق شهيق و زفير تمرين صغير بيساعدك على الاسترخاء يخليك هادئ و مركز أكتر و هتفتكر الكلام بطريقة اسرع
3-Chalk out a plan and be positive:-
بمعنى أنك ممكن قبل المحادثة تكون مجهزها ع الاقل محضر أنت هتتكلم فى ايه و هتستخدم كلمات ايه اعمل لنفسك مسودة تراجع فيها كل الافكار و ساعتها كلامك هيكون منظم و سهل تجمعه بسرعة
4-boots up your confidence:
أدى ثقة لنفسك أكتر من خلال ممارسة اللغة بطريقة مستمرة عن طريق الافلام الانجلش و الفيديوهات التعليمية و الراديو كل ده هيديلك ثقة أكتر و هيحسسك بتطور
5-seek help from experts:-
اطلب المساعدة من الخبراء : بمعنى انه مش عيب تلجأ لخبراء و متخصصين فى اللغة و ممكن كمان تحضر كورسات و دروس انجلش . اسال اصدقائك و عيلتك اللى بيعرفوا أنجلش كويس ساعتها هتكتشف أنك مش بس الوحيد الى بتواجه مشكلة الخوف دى ساعتها هتحس بتحسن و هتقدر تواجه المشكلة ببساطة .