بييجى عليك وقت تحس ان دموعك جاهزه ع النزول و ان قلبك مايصدق يتخنق.. بتحس انك متلكك طول الوقت على اى حاجه تبرر بيها دموعك دى .. بتوصل لدرجة انك تنهار لو حد سألك مالك او لو بصيت لحد لقيت ف عنيه السؤال ده.. بيبقى جواك انت نفسك نفس السؤال “انا ماااالى “…لا انت عارف تلاقيله اجابه محدده ولا عارف تبوح باللى جواك بجد يمكن ترتاح و ده عشان عارف ان مافيش حد هايفهمك ولا حد هيريحك بكلامه و يقلل اللى جواك .. ممكن فعلا تحكى حاجه خانقاك لحد لو سألك مالك و ده عشان انت مابتحبش تكسف حد بكلمة مافيش ..و رغم ان الحاجه اللى حكيتها له دى حقيقه الا ان مش هو ده السبب الرئيسى اللى خانقك و بتحاول تكدب نفسك ان مش هو ده و بتحاول تتناساه … بتفصل دافنه جواك انت و قلبك بس اللى عارفه و انت و هو بس اللى موجوعين…..
التعليقات مغلقة الان