متهم لقاضى «خلية الجيزة»: «أنا عمر فؤاد بتاع منتخب مصر»

اللواء الأخبارية

أجَّلت محكمة جنايات الجيزة، برئاسة المستشار محمد ناجى شحاتة، محاكمة 26 متهمًا من المنتمين إلى جماعة الإخوان الإرهابية، فى القضية المعروفة إعلاميًا بـ”خلية الجيزة” الإرهابية، لجلسة 29 يوليو الجارى.

كانت المحكمة قد استمعت خلال جلسة اليوم إلى المتهم عمر فؤاد، حيث بدأ كلامه: “أنا عمر فؤاد بتاع منتخب مصر، سافرت مع المنتخب، ولعبت باسم بلدى، واتقبض عليَّا باليل من بيتى، وكنت لسه راجع من الغردقة”.

وتابع المتهم: “فى الوقت ده أنا كنت فى الغردقة، مليش دعوة بأى حاجة، وما مسكوش عندى أى أحراز، ولا حتى أى حاجة تثبت أن أنا موجود.. بقالى سنة ونص محبوس دون وجه حق، أنا كنت لاعب فى الجونة وعايش فى الغردقة، واتخدت من البيت بطريقة غير آدمية، والظلم ده يا ريس هو اللى بيخلص فينا الإرهاب”

ووجه المتهم حديثه للمستشار ناجى شحاتة، قائلا: “أنا سمعت عن حضرتك خير من أيام مبارك، وأنك مبتخافش من حد، بس أنا سمعت إن الأحكام مسيَّسة، وأن اللى بيجي مع حضرتك بتديله حكم جامد”، وختم كلامه قائلًا: “اتقى ربنا فينا”، وهو ما جعل شحاتة يرد عليه، قائلًا: “المحكمة ماوجهتلكش أى اتهام، وبلاش موضوع اتقى ربنا فينا عشان محبسكش سنة”.

جدير بالذكر، أن النيابة العامة وجهت إلى 26 متهمًا فى القضية تهمًا تتعلق بارتكاب جنايات القتل العمد، وتخريب الممتلكات العامة، والخاصة، والشروع فى قتل الملازم أول طارق عبدالعزيز، الضابط بقوات أمن الجيزة بعد أن ألقوا عليه زجاجة مولوتوف حارقة، واستعمال القوة والعنف مع موظفين عموم، وكذلك الشروع فى قتل علاء عبدالحكم عباس، ضابط الأمن المركزى، بالإضافة إلى تحطيم سيارة شرطة، والاستيلاء على محتوياتها من أسلحة ميرى وذخيرة.