كنت مفكر ..
بقلم الكاتب والشاعر ناجى انس //
كنت مفكر
إحساس إحساس
كنت مفكر إن الإحساس إللى أنا حسيته معاكى
أول مرة
مرة واحدة ويهدى عمره مايتكرر
كنت مفكر
بس أنا حسيت المرة ديه بحبك فيا بيكتر
جوايا بمشاعر أحلى من الشهد العسل السكر
بتكمل عشقى إللى أنا عشته معاكى فى الأول
من قلبى وعقلى إتمكن حاجة مش ممكن
خلانى مؤمن بيكى ومطمن
مرتاح من عشق مخلينى متغير
متغير لكن للأحسن
حبى ليكى عمره على بال العشق وعشاقه ما يخطر
كنت مفكر
ديه الدقة فى قلبى كانت بتزيد وياكى
أحس بعيد مليان أحلام أحلى من أحلامى
أحلى من أحلامى إللى أنا بأحلامها وقت ماتتفسر
كنت مفكر
ياااه مش دارى إلا بيكى يا كل الدنيا والناس
نظرة واحدة منك تروى الإحساس
تروى الإحساس بحياة
تغيير مش قادر على وصفه ولو إنه متأخر
كنت مفكر
لو كنت أقدر أرجع عمرى من تانى عشانك وعشانى
وأرجع بزمانى مجرد حلم
لكن عينى لبعيد طاله وإيدى مش طايله
و إسألى حتى عيونى
مين فى العاشقيين ذيك مين فى العاشقيين ذيك
ليلى
هتجنى جنونى لأ أنا كده متحير
عبلة
تيجى إيه بالنسبة ليكى وأنا بيكى أقوى من مية مليون عنتر
كل أما نقرب من بعض بأحس من لهفة شوقى لحضنك
أفتكر الأيام إللى عدت من غيرك قلبى بيتأثر
كنت مفكر
ما أنا مهما أبعد عنك أنا أقرب منك
وأسير جوه عيون حواليها الرمشين الكحل متقابلين
أستنى تفتحى عينك لعيونى ياخدونى
وأستنى تقفلى تانى العينتين
بحنين يملاه الود لحظة ما يتقابلوا ببعض
يعنى فى الحالتين ياخدونى باتشد
يااه من امتى كان الشيئ يحلى هو والضد
كحل إسود بيطل الغمازتين فى الخد
حارسيين شفة مع شفة مرسومه
يا إلهي آآآآآه يانى من حاجة ربانى
بصراحة إللى أنا فيه عمرى ما كنت أحلم بيه
ولا أتخيل ولا أتصور
كنت مفكر
إيه بس حكايتك ويايا ما انا مش طايلك
ولا عارف من تانى أقابلك
ولا أسمع صوتك ده واحشنى
ولا صوتك حتى بيسمعنى
ليه بقى هاربانه كده منى وشارده
طب أشوفك حتى لدقيقة
طب ثانيه
طب لحظه
يمكن فى اللحظه ديه شوية ألم شرودى على توهتى
نقدر نخلص من لخبطى ولخبطتك
رغم ده كله أنا حابب فيكى
أى توتر
ماهو طول ما انا
ياحياتى فى وادى وإنتى فى وادى
عمر الحب هيقصر
كنت مفكر
بالشكل ده لو عشنا أد ما ضاع مننا من عمر
هنموت فى العمر الباقى وفى لحظة يفوت
وأنا حاضن لسه أشواقى
يااانى منك
آآآآآآه يا قلبك
لو كنت أقدر أخده أشده من وسط ضلوعك
كنت أخدته وخلصته من الحته القاسية فيه
أصل أنا عارف سره
قاسى على نفسه
عمره ما بيقسى عليا
طب ما إنتى بنفسك نفسى
فبلاش
بلاش ياقلبها ياإللى علمت قلوب العشاق الحنيه
تعمل كده فيها وفيا
ودايما يسامحنى وعمره من غضبى ما يشكى
شفتى
أديكى سمعتى وبكيتى
طب والله وإنتى بتسمعى أنا حاسس بالرعشه ف أنفاسك
حاسس بالرعشة ف أنفاسك مليانة حاجات حزنانة
حسيت بالحزن وفى نفس اللحظة حاسس بالهنا
طب ليه البكا
قلتى إيه
ياااه ده أنا بأحلم أسمع منك كل ده من كام سنة
هو إنتى فرحتى ولا زعلتى إحلفى ما تخبيش
إحلفى طيب بالله
وحلفتى بحياء وحياه
وبصوت جواه فرحة ورقصة على دقة شريان قلبى كلام
مليان بحنان الغنا
وحلفتى بالله إللى أحسن مننا كلنا
وقلتى ياااه كل ده أبقى أنا
كل ده أبقى أنا
وقولتى هو أن ما وحشتكش إنهارده
كنت حاسه إنك مشغول عنى طب حتى دقيقة واحدة
كلمنى
طمنى
أنا جيت أزعل بعد كلامك ليا
زادت فيا الحنيه
ما قدرتش
طب ما أنا مشغولة عنك يلا ولا يهمك
أنا عارفة قلبك
المرة ديه عشان خاطرك
والمرة الجاية أوعى تزعل منى
و أوعى تصدقنى مهما هتعمل برضه هاسامحك
يااااه كل ديه حنيه بترجم كل مشاعرى ف ثانية
بتحول حتى كلامى شعر وألحان وف لحظة ممكن تتغنى
إنت صعب
كل ده عشق وحب صعب
والله أنا مهما هتعمل عمرى ما أمل فعلا مالكش حل
مش هاعرف أزعل منك أبدا مش ممكن بعد إللى بأحسه
قلبى من حبك إحتار
ده حتى إللى بيزعل من نفسه بيقرب من الإنتحار
الإنتحار
ده إنتى لما رحتى منى شويه بسيطة قلبى ولع نار
ضحكتى
فيه حاجة تضحك فى كلامى
فى حاجة تضحك فى كلامى إللى أنا قلته
ده كله شيئ من شيئ فى غرامي
وبتسالى فى حاجات إنتى عارفاها
إنتى بس قايساها بالمللى وإسالى إيدك
مش هى حضنتنى
يااه ده أنا كلى إنتى عارفاه
طولى وعرضى
مش وإنتى واقفة قدامى راسك بتحصل قلبى يا دوب
وبأدوب فى حنانك أكتر وأكتر
كنت مفكر
كنت مفكر
التعليقات مغلقة الان