كوكب الشرق قصيدة ” مشيت اغنيلك ” للشاعرة رؤى الدمرداش فى يناير 19, 2015 شارك طهرتي قلبي بالطرب ومشيت اغنيلك ضلعى بيدمع شوق من جوه منديلك لحظة ثبات الست على نغمة اﻻوجاع اول ماتنطقي اااه ضهرى بيحنيلك مين جابلى سيرة الحب اﻻ ف درر صوتك عقلى يتوه منى تاخديه لملكوتك نبرة عذابك مسك تلهب حنايا القلب يداويها جبروتك ارض المشاعر بور حزنى سكن فيها بتجف فيا الروح غنيلى ترويها شجنك بيحيي الكون كان نفسي ليكى اكون شمس ف ضواحيكى نجمة ف لياليكى كان نفسي اكونلك لحن واتمنى يغريكى طب عودى من تانى فنك ملوش تانى وياريت ومن فضلك تسيبينى افضفضلك واقولك عاللى سهرنى واقولك عاللى بكانى انورلك قناديلك تنادينى واناديلك ندندن ويا عمق العود فيرسم لحنه ف جبينك يفوقنى زمانى ياست والعن صوته ف وداعك اعاند زمنى 100 مرة و اعيد من تانى ابداعك يا ساكنة الروح هنا باتى واروى عطشي من طربك ومنى عليا من وقتك تﻻقي حضنى بيساعك ويتملى ف جفون ليلك طهرتى قلبي بالطرب ومشيت اغنيلك شارك هذا الموضوع:اضغط للمشاركة على تويتر (فتح في نافذة جديدة)انقر للمشاركة على فيسبوك (فتح في نافذة جديدة)
التعليقات مغلقة الان