قصيدة ” صوت النسمة المنسية “

وضربت الحظ بودع اليد

—

ف ركزت الركبة ع الرملة

وسندت الكف هناك ع الكف

وشوشت الصدفاية مجاملة

حسيت الكون خد روحى ولف

—

غمضت عيونى ف لحظة طيش

وقابلت الريح المجنونة

جربت حقيقى قدرت اعيش

انادور جنية وملعونة

—-

والشعر الطاير عكس الريح

وعيون ببياضها بتتلون

وملامح شكل وسيم ف قبيح

والشووك ف الجسم بيتكون

-وصرخت ك جن ف سابع ارض

وسامعنى ملايكة ف الملكوت

فى قتيلة هناك بتنااازع رد

بتطالب روحها ب تمن الموت

****

ولقتنى اتحولت ف ثانية

والجسم اتقشعر من صوتى

فى قتيلة من الناحية التانية

بتذيع للدنياخبر موتى

****

والصوت اللى بيزعج ودنى

الدور كان دورك م الاول

وانا بمسك فيا وبسندنى

بعاتبنى انى قدرت اتحول

والخوف رهوانه ع السكة

سلمنى بنفسه لملك الجان

ف لقتنى وبعلى بضحكة

روحى بتتحرر م السجان

==

والانس اللى مافيا اتعلم

وبرغم ان النزع بيوجع

والروح كات جوة بتتألم

ف الحق مسيره ف يوم يرجع

وصحيت م الحلم اللى بيرعب

لاجناس واطياف بتعيش ف الكون

شكرااا للحرف اللى بيكتب

ونعيش وياه مع كل جنون