الشاعرة " رؤى الدمرداش " قصيدة ” صباح النور ” لأميرة شعراء العامية ” رؤى الدمرداش “ اخر تعديل يناير 15, 2015 شارك مفتتح بتسأل ليه كرهت ازاى وانا منحوت ف مواجع قلبي ذكرى بعيشها ف واد نساى كنت بزيح الدمعه بأيدى اﻻقيك عازف جوه وريدى ب دف وناى صباح النور على ريحتك من اخر حضن ف قميصى اللى مغسلتوش صباحك نور على وجعى ودمعه ب دم فوق خدى وجرح بيسرى جوايا ومقفلتوش فضحك كﻻم الحب ف سيرتها بكون ماشيه انا وياك توصلنى لباب بيتها واقول يمكن ضياع الحب مش ساهل امد بأيدى اقطفلك جناين ورد فتشبكها ف خصلتها انا الى قبلت وانا الى سكت بتقتل فيا عشق البنت وايه ف الدنيا يرضينى بموت وعنيك بتمحينى اعيش محرومه م الضمه انام اتغطى باللهفه يكون الجرح ليك حرفه ابات الخوف معرينى انا الى كنت بتحمل ماهيش هيا وانا اللى كنت بستسلم اعيش ف حكايه منهيه قالولى انسيه ده عاش ليها ف شيلتك ضى ف عنيا انا كنت ببكى كل ليله ومن غير صوت انا كنت بدعى ف كل سجده انك تموت ياريت موتك كان يداوى جوه قلبى مرار خيانتك انا كارهه سيرتك انا كارهه فيا كل حاجه حتى نفسي اما عشقتك استحاله ف يوم هقدر اسامحك انا ناسيه عمرى ما بين مﻻمحك انا نفسي اكونلك ملح قايد جوه جرحك خدت منى كل حاجه وسايبنى زى اﻻرض بور دنا هبنى لنفسي فوق قساوتك حلم ناجح يبنى سور كل كلمه جرحت مشاعرى هتعلن تمردها عليك هتصرخ تثور من النهايه انا سيبتك ورايا انا حلم عالى وخط احمر مش سامحلك بالمرور صباحك نور شارك هذا الموضوع:اضغط للمشاركة على تويتر (فتح في نافذة جديدة)انقر للمشاركة على فيسبوك (فتح في نافذة جديدة)
التعليقات مغلقة الان