قصيدة ” الوعد دا وعدى “
بقلم : أية السعيد
الوعد دا وعدى
كاتباه على حيطانى
يحرم عليا النوم طول
ما انت علشانى
قايله انا حرة
ووعد قلب الحر
يفضل عليه كالدين
لكنه مكتوبلى
اسهر انا ليلى
وتخونى مع غيرى
هدهن انا حيطانى
بلون سما ليلى
واعلن دقيقه حداد
بأسم حب ومات
واغادر احزانى
وادهن ايامى
بلون يكون وردى
وانام أنا ليلى
وان جالى منك لوم
حارد غيبتي واقول
مش هو دا وعدى
التعليقات مغلقة الان