وشب شبابى على شيبى
ف شاور شيبى ليه ب السلم
برغم الصدق ف وعودى
وعودى اللى اتقسم ف الجسم
بقالى اكتر من الغربة
بحارب جوة عرقى السم
واهلا ب الحياة لما
تبعتر فيا وتلملم
كأن الجرح بيدور….
… وشاقق ف الضلوع ب الاسم
وحافظ فيا وبيتلو
ك ورد حكيم وغلبه الاثم
عظيم جدا شعور لما
بتملك م الحياة قيراطين
قيراط والتلت راح منهم
وفاضل م السنين تلتين
بتخسرلعبتك رغم ان
خبير ف اكابر الالاعيب
وتحسب لفظتك وتئن
لإن يخرج لسانك عيب
ياحافظ من تلاوة النص
لو تخرج ف مين ردك
وايا كان مكان ردك
ف ليه يرموك ف حضن اليم
وحيد رغم ان ليك تسعة
وطالبوا يطرحوك ف الارض
تنفض ف الهموم تسعى
تجرد ضهرك الكرابيج
تسند قلب عند الشمس
ف يحرق نورها من لسعة
ويبدر عالسحاب الدم
ورغم الحمد والتثبيت
بنازع رؤيتى فيا
واشوفنى الحر ف التوابيت
وبيت الغربة ف عنيا
اشد عمايا نحو البيت
ينور ضلمتى فيا
ياخوف م الروح مصحبانى
تفارق فيا وتسيبنى
تجيبنى ف ارض بور وحدى
تراب الارض مابيهتم
ويوم اصرخ واقول حقى
ف يوم شاور شباب شيبى فطبطب له وشب اليه بيحضن روحى دون الجسم
التعليقات مغلقة الان