في العهد العثماني كان على أبواب المنازل مطرقتين، إحداهما صغيرة والأخرى كبيرة.فعندما يُطرق الباب بالصغيرة يُفهم أن الذي يطرُق الباب “امرأة” فكانت تذهب سيدة البيت وتفتح الباب. وعندما يُطرق بالكبيرة يفهم أن بالباب “رجل” فيذهب رجل البيت ويفتح الباب. و كان يوضع على باب المنزل الذي فيه مريض باقة ورد حمراءليعلم المارة و الباعة و المتجولون بوجود مريض في هذا المنزل فلا يصدرون اصوات عالية مش محتاجين من الغرب يعلمونا الاتيكت واداب الحديث والتعامل الحمد لله دينا فيه كل ده من اكتر من 1400 سنه يعنى قبل ما يوجد الغرب . يا ريت نعلم كل الناس تعاليم دينا من التسامح واحترام الغير وجميع انواع الاداب المذكوره فى القراءن الكريم وتقاليدنا الشرقيه الاصيله والعريقه وكفايه كلام ومشاجرات بين جميع الفئات والاحزاب وغيره يا ريت فعلا يبقى الاسلام فى تعاملاتنا مش كلام بس. نسينا ان العمل عباده وكل واحد فرغ نفسه لانتقاد غيره وتصيد الاخطاء من غير ما يحاول انه يصلح الاخطاء دى . ليه وصلنا للدرجه دى من عدم الرحمه والانسانيه والامبالاه فى حياتنا ! لاننا حاولنا نتشبه بالغرب من غير تفكير فكل اللى اخدناه منهم عدم الرحمه وانعدام الاخلاق بدل ما نساير موكب حضارتهم فى العلم والعمل مع اننا مش محتاجين انهم يبقوا قدوه لينا فى العمل والعلم لانهم بيجتهدوا فى علمهم وعملهم من اجل مصالح دنياويه فقط سواء كانت شخصيه او لرفعه بلادهم لكننا زياده على ذلك وعدنا الله بجزاء الاخره لمن اجتهد فى عمله . نسينا ان كلنا مسلمين وموحدين بالله واخواتنا من المسحيين لكم دينكم ولى دينى وده بيدل على سماحه الاسلام وبدأنا كلنا نتقاتل وقسمنا نفسنا مليون حاجه (اخوان -سلفين-ليبرالين -علمانين…………………) ونسينا اننا كلنا الهنا واحد و قرأنا واحد ورسولنا واحد ونسينا ان فى نظريه السيكيس بيكو وتقسيم الشرق الاوسط الجديد وانهم مش عايزين يخسروا قوات تانى زى ما حصل فى العراق وان التصفيه تكون بين الشعب وهما يستلموا الارض بدون خسائر ياريت يبقى موجود صلاح الدين اللى دقت اجراس الكنائس عند دخوله بيت المقدس او الفاروق (عمر بن الخطاب) كان سيصلى باحد الكنائس لولا انه خاف ان يتخذه المسلمين مكان للتعبد من بعده اناس شهد لهم العالم بأجمعه انهم حكموا بالعدل واتقوا الله سواء كانوا من المسلمين او غير المسلمين وهذا اكبر دليل على عدلهم ونشرهم للاسلام الصحيح بالتعامل ليس بالكلام فقط لكن من اراد اتخاذ الاسلام ستار لمصالحه الشخصيه شهد له المسلمين قبل غيرهم بفساده #الاخوان_المسلمين لو انكم حكمتم بالعدل لما سلب الله منكم الملك فسبحانه يؤتى الملك لمن يشاء وينزع الملك ممن يشاء #ياريت نفوق من اللى وصلنا ليه ونخاف على بلدنا بجد
التعليقات مغلقة الان