فرااااااااخ كنتاكى المقرمشة علي طريقة طمطم

اكلات طمطم

اول حاجة عاوزة اشرحها انا عملاها بالبانية مش بالفراخ بالعظم بس هافهمكو لو عاوزينها قطع فراخ يبقى تسلقوا الفراخ 3/4 سوى اوك هاتقولولى فى ناس بتعملها نية هاقولكو كنتاكى بيعملوها فى حلة ضغط كبيرة هى بتبقى نية وبتستوى بس طبعا احنا حلة الضغط عندنا بتبقى عاوزة بتاع 3 زجاجات زيت فا طبعا مكلفة جدا علشان كدة بقولكو اسلقوها المهم هاقولكو بقى الطريقة 1/2كيلو بانية مقطع قطع تخينة مش رقيقة اوى/ملعقة ثوم بودر /ملعقة بصل بودر /فلفل اسود/1/2 ملعقى صغيرة جنزبيل /2 مكعب ماجى/ //ملعقةونص نشا/بيضة/ربع كيلو دقيق سادة/ربع كيلو دقيق اللى هاحط علية المقادير كلهاونكون متباين البانية يملح ومية بصل وفلفل

هنا حطيت المقادير كلها على بعضها لو عاوزينها مقرمشة اوى اوى اوى متحطوش بيض وحطوا مية بس

نزود مية ونقلب بالمضرب اليدوى اوى لحد ما تبقى عجينة ولا سائلة ولا تخينة

بعدين نحط فيها البانية ونسيبها فى التلاجة ساعة

ركزو معايا بقى دى اهم خطوة نشيل الفراخ من الطرف

شايفين بحطها بالراحة جدا يمين وشمال ما اضغطش عليهلا ابدااااااااااا علشان تبقى مخرفشة
اهى وانا مسكاه عفرتها يمين وشمال يدوب حطيته فى الدقيق وانا مسكاها

وبنزل بيها علزيت الغزير السخن انا بحط زيت فى حلة صغيرة وبحط فيها قطعتين او قطعة قطعة وبعدين نوطى شوية تعلشان تستوى وبعدين نعلى النار ونسيبها يبقى لونها دهبى اوى غامق لو طلعتوها لونها فاتح هاتتطرى منكوا ركزوا فى التكات دى واهى وهى فى الزيت شايفين عملت خرفشة ازاى
واول ما تتحمر اطلعها على اى مصفاة لازم مينفعش مناديل مطبخ