* فاكر *

بقلم الكاتب والشاعر ناجى أنس /

اول ماعرفتك ياحياتى ؟

دالوقتى بيوحشنى وقتى وانا وياك

كنا بنحسها لحظات

بتعدى بسرعه فى ثوانى

وهى ساعتها ساعات وساعات

كنت اقولك وانت تقولى

كنت احكيلك عن حكاياتى

دالوقتى مشتاقه لقربك

نفسي اكون ياحبيبى معاك

كنت اشوفك هنا قدامى

وانت عنيك عاشقه وحسانى

فيك ياحبيبيى حاجات وحشانى

كنت تقرب ليا واقولك

هى الدنيا كدا حضنانى

لمساك حساك اه بعنيا

وتقرب واقولك تانى

مبنشبعش من الحنيه

وانت عنيك حاضنه لعنيا

وانا حاسه من شوقى اليك

ملهوفه اكتر لعنيك

واكلمها واصبرها واطمنها ان انا شيفاك

قولى نسيت ياحبيبي دا كله ؟

ولا حبيبي فاكره بجد

كنا بسهر ليلنا نقوله

قمرك بيقربنا بنا لبعض

كنا نحس السما بتغنى

وانا باسمع واعيش فى غرام

كنت تقولى احلى كلام

واحسه مغنى فى هيام

فاكر ياحبيبي وانا جنبك

ولا ده حلم جميل فى منام ؟

حلم جميل مليان احساس

هو انتهى فى الهوى وخلاص

ولا حقيقه حلوه رقيقه

حتفضل ذكرى دقيقه بدقيقه

كل اللى احنا بنتمناه

لقيناه فى ساعات وحلمناه

عشقاه وقلبى يدق يقوللى

احساس لسا معاك عيشاه .