عماد الحصري يكتب-ضميرك مستريح

 

بقلم :عماد الحصرى

بقالك مده متغيره
ايديكى بارده..عنيكى شارده متحيره
حبيتى حد ؟ بسأل بجد.. بقيتى متكبره
دانا كنت ليكى ..وبنظرة عنيكى روحى متصبره

قللتى ليه كلامك ,, وفرتى ليه حروفك
لغيرى راح سلامك ,,وزايدة كتير ضيوفك
خلاص عِلى مقامك!!  الله يرحم كسوفك
مفيش داعى ألومك ,,امشى مش عايز اشوفك

مش دايمة ومش راح تدوم
الفرحه فى كل يوم
لو ضحكت الدنيا ليك
بكره عليك تقوم

وغنى وافرح وصيح
نام ع الحرير وريح
بس مجرد سؤال
ضميرك مستريح؟