طلاب الثانوية العامة ينتظرون النتيجة على «تويتر»

دشن نشطاء مواقع التواصل الاجتماعى “تويتر” هاشتاج جديدًا بعنون “نتيجة الثانوية العامة”، فى انتظار النتيجة التى ستظهر بعد قليل.

وعلق النشطاء قائلين: “اللهم وفق كل واحد للى هو بيتمناه واجعله سبب فى فرحة أهله واجعل هذا اليوم من أسعد أيامه.. هما عمالين يلعبوا بأعصابنا ليه كده متخلصونا بقى.. اخت واحد صاحبى طلعت التانية على الجمهورية أنا مبصاحبش أى حد”.

وأضاف آخرون: “طب حد يقولى هتنزل امتى على النت بقى.. لما مؤتمر النتيجة اللى هو أكتر حاجة منظمة عامل كده امال التصحيح ورصد الدرجات كان عاملين إزاى؟.. كلها ساعتين وضرب النار هيشتغل ونسمع الصويت.. نصبوا الصوان يا رجالة.. كان الله فى عونكم.. اللهى يقطعكم بسببكم النت بقى بطئ عندى كل مصر داخله على النت تشوف النتيجة.. كلكم هتقعدوا على نفس القهوة فى الأخر.. شايفين الدولة بتحبكوا إزاى وعاوزه تعيد عليكوا قبل العيد واهاليكوا كمان هيعيدوا عليكوا”.