اكلات طمطم

المقادير :
كوب وربع دقيق
3/4 كوب كاكاو
3/4 او نص كوب سكر على حسب احتياجكوا للسكر
3/4 كوب زبدة
رشة ملح
ملعقة صغيرة بيكنج بودر
فانيليا
بيضة بحرارة الغرفة

الطريقة مع الصور

اول حاجة هانضع الزبدة ولازم تبقى بحرارة الغرفة مع السكر ونضرب فى الكبة او بايدينا وبعدين الفانليا والبيض ونضرب شوية ونكون ناخلين الدقيق والكاكاو والبيكنج بودر ورشة الملح وننزل بيهم ونعجن هاتعمل معانا كورة زى دى كدة بس لازم نعجن شوية وبعدين عالتلاجة متغطية بكيس نص ساعة

نحضر كيسين واحد تحت وواحد فوق ونحط العجينة فى نصهم ونفرد بالنشابة ونشيل الكيس اللى فوق ومنفردهاش اوى علشان متبقاش رقيقة وهاتبان فى الصور اللى جاية

كدة فردتهاشايفين

انا عندى قطاعة صغيرة مدورة فى حجم البوريو وممكن تعملوها بغطا زجاجة اى حاجة مدورة فى حجم البوريو شايفين البسكوت لازم يبقى تخين مش رفيع اوى علشان مينشفش

ودى انا جايباها بتعملى اشكال ممكن تعملوا الاشكال وممكن تعملو اشكال بالشوكة اى حاجة عندكو

هنا على ورق زبدة بضع الب لحد مايستوى مبياخدش كتير سكوت جنب بعضة وبعدين عملت علية الاشكال وعلفرن 180 لحد مايستوى مبياخدش كتير من 20 الى 25 دقيقة وعلى حسب فرنك

هنا هانحضر الحشو بقى كوب سكر بودر وملعقة زبدة ويفضل زبدة لونها ابيض لانى بتاعتى كانت لونها اصفر وتقلبوا السكر االبودر لااااازم يبقى الجاهز مش معمول فى البيت وتعجنوا مع الزبدة وبعدين تحطوا شوية لبن صغيرين اوى علشان تعمل عجينة بس متحطوش كتير علشان متبقاش طرية اوى

وهنا حطيت جزء من الحشو

وهنا قفلت علية ودخلتها التلاجة

وادى النتيجة زى الفل وطعمة راااااااائع وينفع الاطفال

بالف هنا اكلات طمطم