طريقة عمل العجينه اليابانيه ع طريقة بوبوس

اكلات بوبوس

المقادير
( معلقتين كبار دقيق مع نص كوب ماء )
2وربع كوب دقيق
2معلقه كبيرة لبن بودرة
3معالق سكر
نص معلقه صغيرة ملح
معلقه كبيرة خميرة
بيضه
حوالى ربع كوب مايه دافيه او اكتر ع حسب ما تلم معاكى العجينه
3معالق كبار زبده بدرجه حراره الغرفه
وطبعا العجينه دى بعد ما خمرت

هنا حطيت معلقتين الدقيق مع نص كوب المايه ع النار الهاديه هفضل اقلب لحد ما يكون معايا زى البشاميل

هنا خلاص بات زى البشاميل زى ما انتو شايفين اسيبها تبرد شويه

هنا حطيت الدقيق والبيضه والخميرة واللبن البودره مع بعض ف العجانه هقلبهم يدوياهنا بعد ما قلبتها يدويا وبعدين ضفت عليها الخليط اللى زى البشاميل اروح اعجنها باه

وهنا بعد ما عجنتها تانى بالزبده وبات ماشاء الله زى الفل زى ما انتو شايفين اخطيها واسيبها ترتاح وتخمر شويه وابدا اشكلها زى ما انا عاوزة وع فكرة ممكن نعمل منها دلواتى باتيهات بالجنه او مينى بيتزا وع الفريزر هتكون حلوة اوى للاطفال اللى مش هيصوموا معانا ف رمضان ياكلوا منها ع مدار اليوم وكمان حلوة للسحور وكل سنه وانتم طيبين