![](https://i0.wp.com/www.allwaaelaraby.net/wp-content/uploads/2015/06/127760196_Ih433o_1431420032.jpg?resize=500%2C430&ssl=1)
صرخة شعب
بقلم الكاتب والشاعر ناجى انس //
صرخه شعب
علشان دم شبابك حر
سمعت كل الدنيا كلامه
في يناير قام حرر مصر
من ظلم الفاسد ونظامه
شعب مالوش في الدنيامثيل
حدد هوه بإيده مصيره
واللي نهب علي ارض النيل
ليه يشرب منه ومن خيره
الشهدا حترتاح أوجاعها
لما اللي ظلمهم يتحاسب
كل حقوقهم حنرجعها
حق اولادنا ماهواش سايب
عهد جديد حنعيشه اكيد
والخير جي لمصر الحره
فرحك جايلك حاضن عيد
مكتوب بإسم شباب الثوره
٢كانوا فاكرين اننا حنخاف
لما يقولو علينا صغار
اخدوا كلامنا بإستخفاف
مش عارفين اننا ثوار
مصر الغاليه لازم تطهر
والغشاش مبقاش له صوت
أي فساد من قبل ما يظهر
لازم نقضي عليه ويموت
اللي يفكر يكتم حسي
عمره مايقدر يلوي دراعنا
مهمايكون ماسك في الكرسي
حنشيله قبل امايبعينا
٣المال مالنا وجم أخدوه
بالعافيه وبوضع الإيد
لو رجعنا اللي نهبوه
حنسدد دينا وحيفيض
التمانين مليون اتخدعوا
علشان آمنوا في يوم لديابه
دالوقتي اهم راحوا وخلعوا
كنا ضحيه في وسط عصابه
اللي اتجرأ يوم وظلمنا
مايفكرش دا ماضي وفات
لازم يتحاكم قدمنا
في ميدان التحرير بالذات
٤قبل الثوره احنا خرصنا
و الغدار للخاين باعنا
دالوقت حنختار ريسنا
ومفيش حد حيلوي دراعنا
ومحدش يوم حيسكتنا
ولا يوهمنا باي وعود
دالوقتي عرفنا سكتنا
وميدان التحرير موجود
مصر اتخلقت للحريه
مهما الظلم في ارضها طول
واللي فاكرها لقمه طريه
يرجع لتاريخها من الأول
قالو علينا ان احنا ضعاف
فاكرين عمايلهم تقلقنا
كانوا فاكرين اننا بنخاف
بنخاف بس من اللي خلقنا
التعليقات مغلقة الان