انا ابنك انتى ومهما طالت غربتى فى البعد عنك…، راجع لحضنك وفى ضميرى ماحد ثانىى ياخدنى منك …. رغم السنين اللى فى بعادك ..عايشتنى فى حلم اكبر من غرورى ومن عنادك..حسستنى بان عمرى ماكنت منك.. ولا واحد من ولادك.. كبرت جوايا فكرة لو نستيك مش ح اعانى.. عشمتنى بمجد واهم انى اصبح حد ثانى
حديقدر يهجرك.. واجعلك ذكرى فى زمانى..شتتنى وغيرت فكرى وكيانى
كنت بهرب من اللى مره يجيبلى سيرتك.. اويزوق فيكى معنى من المعانى
ورغم كله/ شوقى ليكى كان يزيد بين يوم وثانى..كان يقوللى بانك امى..
وانك اولى بكل اخلاصى وحنانى.. كان شاددنى بقوة ليكى…حتي في سماع الاغانى
كل غنوة بصوت ولادك جددت جوايا حبك .. حركت فى القلب نشوة من الامانى..
اى معنى لدنيتى فى البعد عنك ..مستحيل من غير وجودك تكتمل فينا المعانى
صدقينى فى بعدى عنك ..ذقت طعم الدنيا مره..كنت بحسب بره ارضك الحياة سهلة وحره..قلت ارض الله وواسعه امشى فيها واعلا مره..انخدعت وتهت فيها والسنين مرت بسرعة
اعذرينى ان كان ساعتها احساسى خانى..حتى لو راضية ببعادى ..فانتى امى اللى عايشة مابين ضلوعى وسابحة بعروقى ودمى.. مش كتير ابدا عليكى وصفى ليكى بانك امى.. مهما حاولوا يفرقونا.. حفضل ابنك وانت امى..
ايواا امى .. معنى قولته وراسى عالية .. نفسى ارجع وارتمى فى حضنك ياغالية..
ولما اعطش القى نيلك وارتوى من احلى ميه.. ووقت تحمى الشمس فيكى.. تحت نخلك القى ضله…
والقى سحر الورد طالل من جناينك وفى عبيره النسمة هاله..
ولا ساعة الفجر امشى واطوف شوارعك.. تحت نور الزينة طاله.. والمداين صوتها عالى بالمشايخ والائمة..
والكنيسة بجنب جامع.. ايد بايد والالفة لمه…
ولاشهر الصوم وبركة ربنا ع الكل عامه..
صدقينى انا بكره راجع .. بس عايزك توعدينى.. لما ارجع ثانى ليكى احضنينى..
حاسسينى بانى ابنك عوضيلى اللى اتسرق من طول سنينى.. اوعدينى ان فى امومتك حلقى وطنى واحب دينى.. احضنينى لانى ابنك وانتى ام لكل جيلى…
واوعى ثانى تغربينى.. نفسى اسعد بالحياة وانا جوه ارضك.. لجل مااقدر احب بكره واصدقك وتصدقينى بقلم/ ناجى مرسى
التعليقات مغلقة الان