يارب يامنان..ياخالق الانسان..ياباسط السموات..والارض والنباتات… ياواهب الاشجار والبحر والانهار..نعمك علينا كتير..فى رسايل القرأن ..والتوراه والانجيل….رسلك عن الاديان كانت لنا تفسير…واللى ختمها كان اسمى معانى الخير محمد رسول الله بالحكمه والتدبير…علمنا اصل الدين فى محبة الأخرين.. وسماحة الاسلام قالت نعيش فى سلام..كان الحبيب لنا نور وامام مابعده امام.. فاتنا رسول الله والحب بعده مادام…..اتبخر الايمان وكأنه كان ياماكان… عبدك ياربى تاه وفى زحمة الأركان….كترت شرور الناس والظلم سار ادمان. حل فى حياتنا الموت وحروب ماليها اوان. … رخصت حياة البشر واتعددت لا أديان…اصبحنا مش فاهمين مين فينا كان انسان.. والرحمه راحت فين نلاقيها فى الحيوان…. اصعب ماشافت عين صورة بشر عايشين من اجل كنا وكان…. لاهيين فى عز وجاه..تايهيين مع التواهان..ماليين شواطئ البحر بالفسق والعريان.. وبنفس ماء البحر اتشتيتت لا ابدان….. أرواح ورا أرواح ..يعصفها موج ورياح…هاربين من الارهاب اللى فى زمانا مباح. تركوا النعيم والزاد واللى بديارهم راح…افرح ياراضى الظلم ..دمر بلاد واجتاح.. راح نركب الأمواج..فى البحر لسه براح..والموج احن كتير من شظيك السفاح.. ان كان بخاطرى أموت .. فوق الرمال هارتاح..والبحر ليا غسول داوى بموتى جراح ..ارجوك ياملك الموت احملنى ع الأجناح… اصعد بجسدى لفوق يمكن ضمير الناس لما يشوفنى يفوق…ربى احتسبنى شهيد وبجنتك مرزوق.. ربى احتسبنى شهيد…
التعليقات مغلقة الان