حوار مع .. أحمد عادل رئيس قطاع الناشئين لكرة السلة بنادى الزمالك

أحمد السيد :

زملكاوى حتى النخاع .. هو أحد أفراد الجيل الذهبى لكرة السلة بنادى الزمالك الذين أحرزوا العديد من البطولات على المستوى المحلى والعربى والافريقى أواخر الثمانيات وحقبة التسعينات بمزاملة هشام أبو سريع وشريف الصناديلى وياسر عبد الوهاب وسمير جودة …عن نجم الزمالك السابق الخلوق أحمد عادل عبد الفتاح أتحدث.

والكابتن أحمد عادل عبد الفتاح هو نجل القديرالكابتن عادل عبد الفتاح نجم الزمالك السابق والمدير الفنى السابق لنادى الزمالك ومنتخب مصر والمنتخب العسكرى .

وبدأ أحمد عادل مشوارة مع كرة السلة فى عمر 10 سنوات بنادى الزمالك وخلال مرحلة الناشئين حصل على 6 بطولات جمهورية وبطولتين للقاهرة والجيزة وتم تصعيدة للفريق الاول بنادى الزمالك وعمرة 17 سنة على يد القدير الكابتن اسماعيل سليم .

وحصل احمد عادل مع الفريق الاول لنادى الزمالك على …. 4 بطولات دوري عام – 9 كاس مصر -4 قاهرة و جيزه – 3 سوبر – بطولة افريقيا الوحيده في تاريخ النادي – بطولة رفيق الحريري – بطولة دمشق الدولية.

وحصل كمساعد مدرب على :

بطولة الدوري العام – بطولة القاهرة والجيزه – بطولة دمشق الدوليه .

كما عمل مديرا فنيا لفريق الزمالك  عام 2013.. والان رئيس قطاع الناشئين لكرة السلة بنادى الزمالك منذ سنتين وكان هذا الحوار مع الكابتن أحمد عادل عبد الفتاح .

*مر نادى الزمالك بفترة لم تكن فرق الناشئين على المستوى المطلوب ما سبب ذلك؟

-كانت في فترة ما بعد االثورة و كانت الموارد الماليه قليله بالاضافة لعدم الاهتمام بقاعدة البراعم و هي اساس اي قطاع…. الموارد الماليه دلوقتي مافيهاش مشكله و بصراحه اللي حلها المستشار مرتضى منصور رئيس النادى.

وقاعدة البراعم ليست تابعه لقطاع الناشئين وهذة المشكلة كانت تورقنى كثيرا لان اللاعبيين الصاعدين لفرق الناشئين ليسوا على المستوى المطلوب لنادى الزمالك .

*فى رأى حضرتك الاهتمام بقطاع الناشئين يكون اولا بالمدرب ثم اللاعب أم العكس ؟

-لازم المدرب اولا… و لازم يكون علي اعلي مستوي و لازم يهتم بالمهارات الاساسيه…. بعد كده اللاعب… و لازم اختيار الخامات الجيدة و طبعا اهمها عنصر الطول.

*ماهى المعايير التى على اساسها يختار الكابتن عبد الفتاح مدربى قطاع الناشئين ؟

-الكفاءة…. وهي من نتائج المدرب السابقه و خاصة الموسم الماضي…. شخصية المدرب داخل و خارج الملعب و كيفية التواصل مع اللاعبين… الطموح المهني و بيظهر من نتائج المدرب و تحليل السنوات السابقة من حياته المهنيه… في حال توفر هذه الصفات يفضل طبعا لو كان من ابناء النادي….. الدورات التدريبيه الحديثه و مدي اطلاعه علي كل جديد في كرة السلة.

*فى الموسم الماضى شهد قطاع الناشئين بنادى الزمالك نتائج طيبة وخاصة فريق 20 سنة والذى فاز على فرق الاسكندرية بمعقلها ماسبب ذلك ؟

-نتائج طيبه بالنسبة لحال القطاع عن السنوات السابقه….و لكنها بالنسبة لنادي الزمالك و تاريخه ليست ما نأملة و لكن ما باليد حيله…. فريق ٢٠ سنه حقق المركز الثالث فى بطولة الجمهورية.. ومعاه مدرب شاب كفء … بيطلع علي كل ما هو جديد في كرة السلة و مجتهد…. محمد الجعفري…. كان في مجموعة صعبه جدا تضم كل اندية اسكندريه فى الدور قبل النهائى لبطولة الجمهورية… و كان عند حسن الظن هو و مجموعة اللاعبين و استطاعوا تصدر المجموعة و الوصول للنهائيات ومعاهم نادي سموحه…. في النهائيات حققوا المركز الثالث… الموسم القادم فريق ٢٠ سنه من الفرق القويه و ان شاء الله ننافس علي المركز الاول.

*هل سوف يتم تدعيم قطاع الناشئين بلاعبيين من خارج النادى ؟

-لابد من تدعيم القطاع بلاعبين من الخارج حتي نكمل بداية تصحيح المسار مرة اخري.. زي ما قلت ان المشكلة عدم وجود قاعده براعم جيده نقدر نبني عليها…عشان كده لازم دعم و بصورة كبيرة.

*ماذا عن الموسم الجديد وما هى طموحات الكابتن عبد الفتاح ؟

-الحمد لله تم اختيار مجموعة اكتر من ممتازة من المدربين … و بوجود بعض الخامات الجيده من اللاعبين و محاولة التدعيم اتمني ان يحدث الفارق عن الموسم الماضي…. و الموضوع مش مدربين فقط و لكن كمان المستوي الاداري للقطاع علي اعلي مستوي تحت قيادة ك. البرت موريس مدير اداري القطاع… و الكل يستفيد من خبرته الاداريه من خلال عمله بالنادي لاكتر من ٣٠ سنه…. و كذلك الجهاز الطبي علي اعلي مستوي و كذلك مشرفي الملاعب بمجهودهم الخارق.

وسوف تكون هناك محاضرات في كرة السلة لنقل كل الخبرات اللي اكتسبتها من خلال المعايشة التى قمت بها مع فرق الجامعات في امريكا لمدة شهر و نصف خلال السنوات السابقه و المعروف ان دوري الجامعات الامريكي تقدر تستفيد من تدريباته و تطبقها علي الفرق.

وعندنا كمان محاضرات عمليه من خلال متابعة تدريب الفريق الاول بقيادة الكفء الكابتن عصام عبد الحميد و من خلال متابعة المدربين لتدريبات الفريق الاول وهى تعتبر دورة تدريبيه مجانيه نظرا لكفاءة ك. عصام وما لديه عن كل ما هو جديد في عالم كرة السلة.

*كلمة أخيرة لمدربى قطاع الناشئين بنادى الزمالك ؟

-كلمة اخيرة للمدربين و الجهاز بالكامل… عندنا موسم صعب جدا…. بدانا تصحيح المسار العامين الماضيين و السنه دي فارقه… لازم نتعب اوي عشان نبتدي نطلع و لازم السنه دي نكون .

المدربين اللي موجودين كلهم شباب و عندهم طموح كبير لاعادة القطاع لمكانه الصحيح …. و اخيرا كل الشكر لمدربي الزمالك الكبار اللي سبقونا في تولي القطاع و هم من صناع التاريخ في نادي الزمالك لاعبين و مدربين … كما اتمني التوفيق لكابتن النادي و المنتخب السابق ك. علاء عبدون الذي تولي مسؤولية قطاع البراعم …. عندك شغل كتير اوي يا كابتن عبدون…. ربنا معاك…

———————————-

فى النهاية أتوجة بالشكر الجزيل للخلوق الكابتن أحمد عادل عبد الفتح على هذا الحوار.