* حبيبتي *
بقلم الكاتب والشاعر ناجى انس /
حبيبتي
الساعات والدقايق
اللي بابقي فيها جنبك
قلبي مش عاوز يفارق
يا حياتي دفئ حضنك
والثواني اللي فيها
بأسمع الهمس ف عيونك
أعشق اللحظه اللي
رمشك يحض الرمش
في كسوفك
وعنيكي فيكي متداريه
جويا فيا هي ديا
مش زي اي عيون باشوفها
دانتي ويا نظره ليا
باحس عيد
ابقي في عالم جديد
فرحان سعيد مش حلم لأ
بقلب دق لأ دا أكيد
قوليلي يبقي إحساسي إيه؟
لما بتروحي ياروحي
قلبي ايوه بتوحشيه
وابقي مش حاسس بروحي
كل دقه نبض فيه
جايه بتطيب لي جرحي
دقاته بتطبطب عليه
منه فيه لحظه تلاقي
أعمل إيه ويا إشتياقي
والساعات بتمر مر
دإنتي في العمر اللي باقي
عمر تاني بألف عمر
وابقي دايب في حنان ورقه
لما زاد شوق الحنين
إيه حيجري لما نبقي
قبل شوقنا قريبين
لو لقيت في الدنيا حب
زي حبي ليكي إنتي
برضه يا نور عمري صعب
يبقي زي حبي لحبيبتي٠
التعليقات مغلقة الان