تورته بطعم السينكرز ع طريقه بوبوس

تورته بطعم السينكرز ع طريقه بوبوس
المقادير
كيكه بالشكولاته
الحشو
كريم جانتيه شكولاته
توفى
صوص شاتوة الشكولاته

اولا عملت كيكه الشكولاته العاديه ودى مقاديرها وطريقتها

المقادير.
2ونص كوب دقيق
كيس بيكنج بودر
3بيض
شعرة فانيليا
كوب وربع سكر
كوب الا ربع زيت
كوب لبن دافئ
2معلقه كبيرة كاكاو خام
الطريقه
ننخل الدقيق مع البيكنج بودر ثم نحضر الخلاط ونضرب فيه البيض مع الفانيليا لوحدهم ثم نضيف السكر ثم الزيت ثم اللبن ثم نضريهم مع بعض ثم نضعهم ع الدقيق ونقلب حتى يدوب الدقيق كله و نضيف الكاكاو ونقلب ثم نبطن صنيه بزيت ودقيق ونضع الخليط ف فرن ساخن مسبقا ع درجه 180ع الشبكه ف النص لمده ربع ساعه ثم بالصاجه لمده ربع ساعه كمان وبالف هنا

وهنا سبتها تهدى شويه وبعدين شلت طبقه خفيفه من النص وفرغت النص مع الاحتفاظ بالجوانب زى ما انتو شايفينوهنا سبتها تهدى شويه وبعدين شلت طبقه خفيفه من النص وفرغت النص مع الاحتفاظ بالجوانب زى ما انتو شايفين

وهنا حطيت اول طبقه الكريم جانتيه بالشكولاته ومقاديرة كلاتى
4معالق كبار كريم جانتيه
4معالق كبار سكر بودره
معلقه كبيرة لبن بودرة
فنجان صغير مايه سقعه
معلقه كاكاو خام
نضرب كل ده ف المضرب كويس اوى

وبعدين عملت طبقه التوفى وحطيتها فوق الكريم جانتيه زى ما انتو شايفين ودى طريقه التوفى
سيحت ع النار 4معالق كبار سكر وفضلت اقلب فيهم لحد ما السكر كله داب وعمل كراميل وبعدين نزلت عليه ب 8معالق قشطه وقلبت بسرعه لحد ما عمل توفى معايه بالشكل ده هنسيبه يبرد شويه وبعدين نستخدمه
ممكن بعد ما نحط التوفى نحط شويه فول سودانى بس انا مش حطيت لان جوزى مش بيحب المكسرات ف الحلويات

وبعدين هنا حطيت فوق التوفى صوص شاتوة الشكولاته وقلبته بايدى عشان يعمل شكل التموجات زى ما انتو شابفين وصوص شاتوة الشكولاته عبارة عن
كوب لبن مع كوب سكر مع اربع معالق كبار كاكاو خام نضرب كل ده ف الخلاط وبعدين ننزل عليه بكوب زيت بس شويه بشويه لحد ما يتكون عندنا الصوص