تواربوا الباب اناحادخل
حتقفلو فيه وسمكرتوه
عمري ما أتوه منيش سائل
داخل داخل
وحافضل للأ بد أعافر
ياحته مني ياحبيتي
ياغاليه ياللي بتمني
ويكفيكي بادوب فيكي
وقادر عمري ماحماطل
وببدأ قبل ما بحاول
انا استاهل اكون ليكي وملكك
دا الهوي فيكي
باعيش بيكي ومين حياخدني؟
انا منك ماينفعشي
لاهو إنتي ياللي ماهونتي
حاهون لحظه انا عليكي
عدوك مره لو قرب وجرب حتي يبعدني
عن أرضك حاوريله حاجات مره
ولو حيقول انا فى عرضك
حاقوله بره دالوقتى ومش بكره
ولوفكر يجبني حتي من جدري
حاقوله انت ولاتقدرتشلني سنتي
وﻻمللي ولاتقولي
عشان انا فيكي متأصل
و هو سهل يستأصل؟
أساس مبني بآياتك وقرآنك
و ترانيمك وادانك واحساسك
واجراسك وقداسك
وإخلاصك يابيت بالحب متماسك
ياجامعه الكل في جوامع
ماهو انتي حريصه علي ناسك
في دير و كنيسه بمناسك
حبيبه وطيبه ياطيبه
قريبه عجيبه وحكايه ايه قويه
وسحريه لعين بتشوف بحنيه
بنيه مخلصه خالصه بتخلص
حتي للخسه مسامحه
وماسحه للدمعه
في يوم الحد والجمعه
وبينهم سبت نادي إتنين
ملاك وياسين
وجي من بعده حصن تلات
رضا وثبات جوه القلب مايطلع حتى
ولا بيخضع في يوم اربع
لاي خسيس خميس عمره
ماكان موجوع طول الأسبوع
وكان شقيان ولا بيبان في عينه قهر
بطول الشهر وعرقه مالى لجبينه
وطعمه بالهنا سكر
بخير يحلم يشوف اسراء مع مينا
عشان يجمد بفرحه طارحه
من بحرى الى قبلى وﻻد سمرا
محمد راح طلب مريم وﻻد حره
سنه واكتر ومش أيام ولا أشهر
ياعمر ودهر بطول الدهر
انا شهيدك انا حبيبك بقلب وصبر
وهي ميه من نيلك شويه يامصر٠
التعليقات مغلقة الان