بسكوت العيد بطريقة طمطم

اكلات طمطم

بسكوت العيد (مقادير ثاااااابتة ومتجربة سنين )

المقادير :
كيلو دقيق
نص كيلو زبدة (سمنة لا)
ملعقة سمنة واحدة للطعم بس
3 بيضات مستورد
كوب لبن
ملعقة كبيرة نشادر
2 كيس فانيليا
ملعقة كبيرة بيكنج بودر
كوب ونص سكر بودر
الطريقة :
الطريقة بقى هاتعجنى الزبدة مع ا لسكر البودرة وبعدين تنزلى بالبيض لحد ما يمتزجو انا بحط مع الزبدة ملعقة سمنة بلدى بتدى طعم حلو اوى المهم تنزلى بقى بالدقيق المنخول مع البيكنج باودر والفانيليا بتحطيها على البيض وتعجنى بس مش كتير لان البسكوت مش بيحتاج العجينة تعمل عرق المهم تعجنى لحد لحد ما يتجانسوا وتضعى النشادر فى كوب اللبن واللبن بيكون دافى وتقلبى وتنزلى على العجينة واتعجنى تانى وتسيبيها ترتاح شوية نص ساعة وعلى الفرن 180 درجة شكلى عجينتك على صينية فيها ورق زبدة او مدهونة زيت خفيف ولو هاتعملى بالشيكولاتة شيلى كوب دقيق وحطى كوب كاكاو خام وبالف هنا وشفا