بانية ثرى شيفس اللى بيتباع جاهز عمايل ايديا

اكلات طمطم

الطريقة

ربع كيلو بانية (عملى الكمية اللى انتو شايفينها بس جنى كلت واحدة)
4 فص ثوم
ملعقة بصل بودر
ملعقة صغيرة بابريكا
ملعقة بهاراتى السرية كلكو عارفينها
(تجيبى كمية متساوية من او 3 ملاعق كبار من كل من الكزبرة +فلفل اسود+كمون+ كبيبة صينى وكمية ااقل او 2 ملعقة كبيرةمن حبهان +ورق لورى+قرنفل + قرفةوبعدين بعد ما تطحنيهم تنزلى عليهم بملعقة جوزة الطيب مبشورة وتجيبى مستكة الاصلية ملعقة صغيرة ولو مفيش عادى وتحطى شوية بس كل دة تشيلية فى برطمان عندك تحفة تحفة تحفة)
ملح
بطاطساية مسلوقة هاتقولو مسلوقة اه مسلوقة
ملعقة كبيرة ممسوحة نشا
ملعقة صغيرة عصير ليمون
فلفل اسود

هانضرب كل دة فى الكبة لما يبقى زى العجينة

هاجيب صينية صغيرة اوى واحط فيها كيس وانزل بالخليط وادهن ايدى ماء علشان اساوى السطح وخدوا بالكوا اعملوا التخن بتاعة ولا تخين ولا رفيع لانها مش بتكش دى بتكبر فى الزيت مش بتصغر

هاتغطوها بالكيس وعالفريزر ساعة تجمد

هانقطعها بالسكينة مثلثات وعالفريزر تانى علشان متسيحش ونحضر الخليط اللى هانغطى بيها

انا عندى عيش توست باقى من التوست اللى كنت عملاهناشف ولو معندكيش عيش ناشف هاتى الفينو وقطعية شرائح وعالفرن لما ينشف واطحنية لاااااااااااااازم تطحنية فى البيت لاننا عاوزينة خشن مش ناعم علشان يبقى زى بتاع برة تكااااااااتى بقى بطحنة فى الكبة بملح وفلفل اسود وبهارات وببشر جبنة رومى علية

هانحضر بيضة ممزوجة بفلفل اسود ونحضر دقيق فى طبق والبقسماط فى طبق وناخد القطعة عالدقيق ثم البيض ثم البقسماط

وادى النتيجة بعد ما تبلناه ندخاة الفريزر تانى عالشان يسقع وممكن نحتفظ بية كدة فى الفريزر فى تكاااية بقى لو عاوزينة حار انا بعمل نصة كدة والنص التانى بضع على البيض شطة وبعدين احط البانية فى الدقيق ثم البيض ثم البقسماط الفرق انى بحط عالبيض شطة لو عاوزاه حااااااار نيجى للتسوية هانحط الطاسة عالنار على اكبر عين اللى هى اول واحدة على الشمال ونسخن الزيت وبعدين نوطى علية وننزل بالبانية ونفضل موطييين منعليش النار خااااااااااااالص علشان يستوى غير كدة هايتحرق