بالفيديو … مرتضى منصور لسيف اليزل: البرلمان مش عزبة أبوك وسأقف أمام التربيطات بدراعى

كتب- حسن مرسي:

شن المستشار مرتضي منصور، رئيس نادي الزمالك، والعضو البرلماني عن دائرة ميت غمر، هجوماً حاداُ على اللواء سامح سيف اليزل المقرر العام باسم قائمة “في حب مصر”.

وقال “منصور” أثناء مداخلة تليفونية ببرنامج “إستاد معروف”، المُذاع على فضائية “العاصمة”، مساء اليوم الاثنين، “أنا ساكت وحاطت الجزمة في بقي لغاية دلوقتي، لوكنت دكر كنت نزلت الانتخابات فرد قصاد فرد، البرلمان مش عزبة أبوك، وسأقف أمام التربيطات بدراعي” وذلك في إشارة منه إلى قائمة في حب مصر واللواء سامح سيف اليزل المقرر العام باسم القائمة.

وحذر “مرتضي”، الرئيس عبد الفتاح السيسي وذلك لاعتقاده دعم الدولة لقائمة “في حب مصر”، قائلاً: “لو النظام وقع هيبقي السبب سامح سيف الليزل، لم الراجل ده وخليه يسكت البلد مش مستحملة حاجة”.

وأضاف “منصور” قائلا: “دعم الدولة يبقي صالح اللى ضدك.. ومش يروح للي معاك.. انت عايزنا نقلب على الراجل ولا إيه.. أنا لو قلبت..أنا مبخافش من حد ومحدش مجاملني في حاجة ولما قلت السيسي وانتخبته مخدتش حاجة منه ولا خدت وعد أني أكون محافظ ولا وزير.. أنا نزلت الانتخابات بدراعي”.. ، موضحًا أنه فاز هو وابنه “أحمد مرتضى” بالرغم من حملة التشهير التي كانت ضدهما – حسب قوله.