بالصور..شباب راس غارب يبدء حمله للقضاء على كلاب الشوارع بالمدينة

كتب محمد جمال عبد القادر

بعد تكرر الاستغاثات بكثرة الكلاب الضالة كلاب الشوارع التى تهدد وتروع اهالى مدينة راس غارب ينظم مجموعة من شباب راس غارب بالاشتراك مع مجلس مدينة راس غارب برئاسة اللواء ” طارق رحال ” رئيس المدينة، حملة للقضاء على الكلاب الضالة.

بدات الحملة يوم الاثنين 19 يناير تحت إشراف الدكتور خالد دهب مدير مسئول الوحدة البيطرية.

واستهدفت الحملة عدة مناطق عمارات 608 وعمارات أبو النصر وعمارات 253 ومنطقةخور رحمى

وفى ثياق اخر قال احد الشباب المشرفين على الحمله
“أنا عايز أوضح بعض الأمور الخاصة بالحملة الخاصة بالقضاء على الكلاب الضالة أننا تحركنا في الموضوع ده بعد تعدد الشكاوي من المواطنين من الكلاب و خاصة في فترة المدارس و دورنا إحنا الشباب هو عمل التنسيق بين الجهات المختصة ( الوحدة البيطرية _ الوحدة المحلية ) و الحمدلله كان فيه إستجابة كبيرة منهم و خاصة الدكتور خالد دهب و الحمدلله قدرنا نوفر السم المطلوب و هو ( السيركالين ) و ثمنه كان غالي حوالى 3 الألاف جنيه للكيلو و كان دعم رجال غارب المحترمين و علي رأسهم الحاج حمادة غلاب الحاج علي شحات و الحاج علي ضاحي و كذلك دور الشباب في توفير اللحوم و علي رأسهم الحاج محمد الأبنودي و المهندس حسام موسى و إن شاء الله الحملة مستمرة لمدة 10 أيام كمرحلة أولى لأن عدد الكلاب كبير جداً و إحنا متواجدين يوميا في الشارع و مقسمين البلد لعدة مناطق أبتدينا بال 608 و أبو النصر و 253 و النهارده في خور رحمى المهم إلى عنده مشكلة في منطقته ياريت يوفر لينا اللحوم و إحنا تحت أمره في أى وقت …….. معلومة إن كمية اللحوم المستخدمة خلال 3 أيام حوالى 27 كيلو ده غير بواقي ذبح الفراخ و لسه محتاجين أكتر و النهارده الحاج محمد الابنودى وفر لينا 10 كيلو سمك ………. شكرآ لكل شخص ساهم و شارك معانا في الحملة و هو ده معدن أهل غارب”

هدفنا تقليل اعداد كلاب لتقليل الخطر .