الأختيار فى الحب أهم شىء ..ببساطه جدا لأنك لو مخترتش صح من الأول يأما العلاقه مش هتستمر يأما العلاقه هتستمر بمشاكل وأزمات وخلافات كتيره أوووى ..السلبيات هتبقى غير طبيعيه ومنهم ضياع وقت من العمر اللى المفروض تكون أحلى أيامك فى الحب ..لازم الأنسان لو فشل مره يدور ألف مره على الأنسان اللى يكون مناسب ليه يعنى مايخترش بسذاجه وخلاص .
أنا أكتشفت أن كلنا عندنا غريزة الحب حتى لو مفيش شخص فى حياتنا ،علشان كده كلنا بنتمنى الحب ،بنتمنى نحب ونتحب بيبقى عندنا حلم اللى هو شخصية الأنسان اللى نفسنا نرتبط بيه ….طبعا غريزة الحب دى مش شرط حب بين طرفين فقط ممكن تكون حب الأصحاب والأقارب والأسرة ..بس لو هنتكلم على غريزة الحب التانى اللى بالى بالكوا..ده ممكن يتمحى تماما ..وتبرد مشاعرك وأحاسيسك !
كل ده لما يكون فى سوء أختيار تخيلوا ليه ؟ علشان لو فضل عندك سوء اختيار ودخلت فى كذا علاقه هتفقد أحساس الحب تماما ، هتفقد أحساسه الحلو لأنك هتعتقد أنه وهم وأنه مبيستمرش .. فى ناس مبتفشلش فى علاقتها العاطفية لأنها بتختار صح وفى ناس بتفشل لأنها بتبقى أول تجربه و ده مش عيب ..بس الغلط بقى أنك تكرر سوء الأختيار يعنى لازم تختار صح وماتخترش الشكليات والمظاهر الخارجيه ، أهتم بالجوهر اللى هوالأنسان أو الأنسانه ده هيبقى شريك حياتك والكلمه دى كبيره أووى فأنت لازم لما تختار تختار الشخص اللى هيبقى قد كلمة شريك الحياه .
التعليقات مغلقة الان