اهداء من الشاعر الكبير (استاذا عماد الحصري ) الي اولادي نور وبدر وساجد
شارك
لما الطيابة تتوصف بين السطور يبقى خلاصة وصفها حبيبى نور مكار شويه ويوَقف التعالب طابور ولما تيجى تبصله .. يبص بغرور وتملى اجى افهمه .. يقولى sure ماتخدش منه اجابه واضحه ..وتملى يلف ويدور بحب مكره واحب طيبته و اللى يضايقه..يمشى يغور *************** ولما ابقى نايم واصطبح على كف غدر طبعا تبقى دى ايد المحترم .. حبيبى بدر فيه غلاسه حبتين ورخامه برضه شويتين لو يوم لعبت مع اخوه .. تحمر عينه ف ثانيتين بحبك يا واد يابدر وبدعيلك فى كل فجر دى النظره ف عيونك زى ليله القدر **************** واخر المتمه يجيلى واد فائد يلبسلى شورت وعميلى فيها كابتن ماجد طبعا دا يبقة ابنى المحترم وحبيبى ساجد مجنون بطابعه واللى يعاشرة يقول عليه دا واد ضايع وفائد كيييف حريم .. عصبى و لئيم معرفش كل اللؤم دا .. جايبه منين لو اى واحده تندهله .. بيقول امين والمسلمين .. كلهم بيحبوا واحدة الا بسلامته المحترم .. يحب عزه وهايدى وسالى ويحب الف موزه بحبك يا اخر العنقود يا شقاوه وحلاوه احلى عيون سود
التعليقات مغلقة الان