ليه في مجتمعنا المطلقه دى انسانه ملهاش اى حقوق ليه تتهان ويتقال عليها
اكيد فيها عيب علشان كده طلقها ويتقال دى خايبه دى معرفتش تعمر (( والراجل زى الفل )) ميعبوش حاجه مأكلها ومشربها عايزه ايه تانى ؟ عارفين بقه الست عايزه ايه تانى عايزه الى كل ست عايزاه عايزه تحس بأنوثتها وعايزه تحس ان في حد بيحبها وبيخاف عليها عايزه تحافظ على كرامتها و محتاجه تحس ان في راجل محسسها بالأمان مش رامى كله عليها وخلاص عايزه تحس انها انسانه بيتحس بيها مش مجرد أله تغسل وتأكل وتربي وده الى محتجاه كل ست بس للأسف في الى بيضحكوا على نفسهم وبيرضوا بالأمر الواقع و خلاص في ستين داهيه يا عمرى وليه لو انسان او انسانه اهلهم مطلقين يبقوا فاسدين او متربوش كويس ايه السر في كده ليه الأم تقول لأينها لا مينفعش تتجوز واحده اهلها مطلقين ما يمكن البنت اخلاقها كويسه ومحترمه يمكن اهلها اه مطلقين علشان مفهموش بعض لكن بيحترموا بعض وربوا اولادهم بأحترام حتى لو كل حد فيهم بقه مع شخص أخر . وليه لو بنوته اتجوزت ومتوفقتش مع زوجها لأى سبب من الأسباب واطلقت ليه المجتمع يرفض انها تتجوز انسان أخر محترم ويكون من سنها مش علشان مطلقه تاخد انسان عنده 60 سنه او مش محترم ويتأمر كمان عليها وبرضوا الأم ممكن تقول لأينها لا مينفعش تتجوز واحده مطلقه ليه وانت يعيبك ايه (( انت زى الفل )) تاخد احلى واحده مع ان لو الراجل هو الى مطلق واتقدم لبنت ممكن يوافقوا عليه بكل سهوله ليه المجتمع ظالم المرأه من جميع النواحى ليه هى الى تستحمل الظلم والقهر والاهانه والمسئوليه كامله ومتقولش حتى كلمه (((( أه )))) او تقولها بس بصوت مكتوم . الست ممكن تستحمل كل شيء في الدنيا وقادره على ده بس تستحمل بالحب تستحمل علشان شايفه قدامها شخص يستاهل بس مش علشان المجتمع فارض عليها ده
التعليقات مغلقة الان