اللى فى قلبك
بقلم الكاتب الشاعر ناجى أنس //
ايه اللي جرا لي وانامعاكي
ابتدي عمرى ويا هواكي
وكأني باحلم وبادوب
قلبي بيتكلم مع قلبك
باللي مايخطرش علي قلوب
شفت الدنيا من حواليا
حلوه بتضحك جوه عنيه
زي النسمه في حضن جنينه
ساكنه في جنه وبتتهني
نفرح بيها وتفرح بينا
فيها ورود وربيع وشموس
والندي حواليها يدفيها
حب كبير فيا محسوس
لما ابتدي ع الورد يرد
من شوق شوقه لانعم خد
حضنه وضمه ولمه وباسه
احساس كله حياه وجمال
وخيال مش عادي في إحساسه
جنه يانعمه ازاي اوصفها
وصف الجنه في دنيا محال
عشنا اللحظه سنين في غرامنا
عشق يزيد قوي عن احلامنا
مش حاسين خالص وخلاص
ونسينا العالم والناس
لحظه ما أمان حبك جاني
حسيت ان الكون دا عشاني
واناقلبي محذره من حبك
اتاريني دبت أكتر وعشقك
قلت كفايه تبقي قصادي
وقريبه قوي رغم البعد
يمكن لما اعاملك عادي
ترتاحي ونرتاح مع بعض
فجأه لقيتك رحتي خطفتي
قلبي وعقلي سوا ع الهادي
ولقتني بقلبي باتشد
قلبي بيعشق للدرجه دي ؟
لماسألتي بلهفه و حيره
فيها جراءه بجد رقيقه
وسألتي ببرائه حبيبتي
انت بتحبني من قبلي؟
قلتي كمان بدفا وحنان
قلبي اسير عاشق بيغير
ولا لاقيه لغيرتي تفسير
خدني سؤالك ونسيت نفسي
ولقيت قلبي رق وحن
ولقتي باحبك مع نفسي
واما ابعد عنك باتجن
عمري يا عمري قبل ماقابلك
عدي وفات
في جراح وعذاب ويا أهات
ومعاكي إحلوت أوقات
ما انا شايفك وحدك ياحياتي
وانتي حبيبتي رأيك إيه؟
ف اللي انامتحير قوي فيه؟
طمني قلبى
هو انتي بترتاحي لحبي
ولا داحب كدا وخلاص؟
بس ياحبي عرفت خلاص
ماعنيكي وصفت احساسك
لما اديكي جت حستني
وانا حاسس رقه لمسات
وانتي لوحسيتي بغيرتي
م اللي شافوكي وحسو هوانا
كنتي ارتاحتي بالإحساس
بس امانه عليكي تخللي
اللي مابينا جوه قلوبنا
يعني تكون احلام وخلاص
مانا عاشقك بحياه وجنون
حافضل طول العمراحبك
مع نفسي كدا مهما يكون
شوفتي الحب بيعمل ايه؟
في القلب اما يروح يناديه
اللي مابيني وبينك انتى
ايه ياحياتي رايك فيه؟
ماحنا ف حبنا مابنختارش
ونصبينا لازم حيصبنا
لوننساه نبقي مابنعشش
ع المتقدر مابنقدرش
نعمل إيه بقي في المكتوب
وقدرنا في الغالب غالب
عمره ماكان ابدأ مغلوب
قلنا نسلم وكفايا قلوبنا بتتكلم
عايشه الهوي ف الهوي وبتحلم
ياحبيتي ياحياتي كفايا
انك بالإحساس ويايا
وان انا نحلم او نتخيل
ونحاول لغرمنا نكمل
ايه يعني اما نعيش ع الوهم
يمكن انا اقدر اتحمل
لكن انتي يارقه قلب
تتحملي طب ذنبك إيه
مش برضه إنتي من حقك
تبقي عايشه حياتك
من غير اي ألم وجراح
انا م الأخرعارف اني
لازم اصارحك بقي وارتاح
عيشي معايا علي الإحساس
نرضي قدرنا كمان وخلاص
بس اما اشتاق لك سامحيني
لواقولك يوم بتحبيني
ابقي قولي ايوه بحبك
زي انا ماباقولها من قلبي
نفسي اسمعها بدقات قلبك
حتعيشني وتفرحيني
واوعي يهمك اي ملام
ولا كلام بتقوله الناس
مانامش حاقدر انسي لعشق
في قلبي بيكبر
جوه في دمي بيكتراكتر
كل مافكر في النسيان
انا بانسي النسيان من تاني
وبافكرفيكي من تاني
مقدرش النسيان ينساني
ويزيد شوقي كمان وكمان
يقدر قلبك يجي يقوللي
لما عرفتك ايه اللي حصللي
بس خلاص من غير ماتقولي
احساس اول نظره وصللي
هوحكي لي وقال لي وشفته
واللي ف قلبك كله عرفته٠
التعليقات مغلقة الان