الرئيس السيسي : من حق الدولة عدم إصدار تراخيص جديدة إلا لسيارات الغاز ..«االإجراء ده أنا هعمله»

أميرة إبراهيم /

قال الرئيس عبد الفتاح السيسي إن للدولة حقًا في تنظيم شئون حياة شعبها بشكل يوفر من نفقاته، ويحافظ على البيئة، مؤكدًا أنه من حق الدولة إصدار قرارات تقضي بعدم منح تراخيص جديدة للسيارات إلا لتلك التي تعمل بالغاز.

وطالب الرئيس من الحكومة والبنوك بذل مجهود إضافي لجذب مختلف شرائح المجتمع لإنجاح المبادرات الخاصة بتوفير السلع بأسعار منخفضة، وكذلك مبادرة تحويل السيارات للعمل بالغاز بدلًا من البنزين، ما يوفر على المواطنين نحو نصف نفقات الوقود، وكذلك الحفاظ على البيئة، واستغلال الموارد المتاحة والمتوافرة في مصر من الغاز الطبيعي.

وقال الرئيس خلال افتتاح مرحلة جديدة من مشروع تطوير العشوائية “الأسمرات 3″ : خلال اليومين تلاتة القادمين من خلال وسائل الاعلام المختلفة لا بد من إلقاء الضوء على مبادرات تحفيز شراء السلع وتخفيض أسعارها بنسبة 20% أو بالنسبة لتحويل المركبات من البنزين إلى الغاز.. مبادرات إحلال المركبات مش بتمس طبقات محدودي الدخل فقط.”.

وأضاف: “قولنا نتجاوز شوية ونتكلم عن طبقات متوسطة لديها سيارات قديمة.. بنقوله هنقدر نساعدك أنك تاخد قرض بأقل تكلفة ما أمكن.. بس خلي بالك يا ريت العربية دي تكون مجهزة بالغاز، لأن ده بيوفرلك نصف تكاليف الوقود المستخدم.

وأشار الرئيس إلى أن مبادرة تحويل المركبات للعمل بالغاز لا تقتصر على تلك التي مر على عمرها 20 عامًا، وإنما يمكن أن تشمل أي سيارة تعمل بالبنزين، سواء كانت ملاكي أو ميكروباص أو تاكسي.

وتابع الرئيس السيسي: المفروض كدولة علشان نقدر ننجح في المبادرات دي ونحقق الأرقام المستهدفة.. ده اللي بطلبه من الحكومة ومن البنوك.. الفايدة المنخفضة مش كفاية.. بتتكلموا عن إن مليون مركبة تتحول من بنزين لغاز تتكلف 8 مليارات جنيه.. يا دكتور محمد معيط انت بتخاف على الفلوس أوي .. بتخاف على الفلوس أوي بصراحة.

وأضاف الرئيس السيسي: انا النهاردة اتصور وزارة الداخلية وهي بترخص العربيات … لما نيجي نقول ان احنا لن نرخص عربية جديدة إلا بالغاز.. ده من حقنا كدولة نعمل كدة .. من حقنا كدولة نعمل كدة بتنظم شئون حياة شعبها وبتخلي بالها من شعبها ومن إنفاقه.. فنقول اعتبارا من كذا.. الحاجات دي ممكن نكون اتكلمنا فيها في الجلسات المغلقة لكن انا بوصلها للناس.

وتابع الرئيس: الإجراء ده أنا هعمله.. ان انا هاجي أقول ان العربيات البنزين الجديدة لن ترخص إلا بالغاز.. من حقنا كدولة إننا ننظم لشعبنا ونوفر له ونحافظ على البيئة بتاعتنا وكمان الموارد اللي موجودة ومتوفرة عندنا تستخدم.