الدروس الخصوصية

بقلم- خالد متولي 

الواد أبنى لقيته جاى م المدرسة لونه مخطوف وعنيه زايغة منه قلت له مالك ياله ؟ قالى الأستاذ بتاع الرياضة قلت أيه ضربك ؟ قال لى لأ قلت له أمال أيه مات ؟ قال ياعم مات ايه ده زى القرد قلت امال فيه أيه الله يخرب عقلك قال لى قلت عايز أخد درس قلت له أيه المشكلة ؟ قال لى أنا مابديش دروس خصوصية وأنت مش محتاج درس زعقت للواد جامد وضربته أمه زعلت وقالت لى بتضرب ليه الواد ؟ قلت لها أبنك على أخر الزمن اتعلم الكدب ؟ هو فيه مدرس ما بيديش دروس ؟؟!!!!! قالت لى أنت ماتعرفش أن الوزارة منعت الدروس واللى بيتمسك بيدى دروس بيفصلوه ويعملوا لو قضية تربح من الوظيفة بطريقة غير مشروعة ؟ طلقتها …. ماهى أكيد اللى علمت الواد أنه يكدب زيها !!!!!! الغريبة أنى لقيت بتاع عشرة من صاحبى طلقوا مراتتهم علشان نفس الموضوع مش عارف الستات كلهم أتعلموا الكدب أمتى وفى نفس الموضوع !!!!!!! حاجة غريبة