الحلقة الثالثة لمسلسل عمال شركة مساهمة البحيرة

اللواء الأخبارية : خالد متولـى

الشر والتخريب موهبة قبل أن تكون دراسة ، والأشرار درجات ،فلكى يقوموا بخصخصة الشركات لتخريبها وبيعها يجب نسفها وتدميرها تماما وأثقالها بالديون وتعجيزها عن العمل تماما .

وتحدثنا فى الحلقة السابقة عن الرصاصة الأولى التى أطلقتها الدولة فى فترة الدكتور ” عاطف عبيد ” وهى رصاصة الخصخصة التى شردت عمال مصر لتحقيق مصالح مالية خاصة من بيع شركات القطاع العام المنهارة بفعل فاعل

فقد اصدرت حكومة / عاطف عبيد ايضا قانون تحرير سعر الصرف للدولار في 29\1\2003 . وترتب عليه تدمير شامل للعمليات المسندة لشركات استصلاح الاراضي  . فكيف تنفذ هذه الاعمال في ظل زيادة أسعار الخامات والمهمات اللازمة لتنفيذ هذه الأعمال ؟

وما هي تكلفة هذه الزيادة في الدراسات التي أجريت لهذه الأعمال لتحيد أسعار بنود الأعمال التي عادة تتم في ظل ثبات الأسعار لمدة تنفيذ كل عملية لكن فجأة بدون أي دراسة أو أعطاء مدة لتنفيذ هذه العقود قبل تحرير سعر الصرف

ولكن الاستبداد والفساد والظلم كان سمة العصر البائد الذى أدي إلي شلل كامل لهذه الشركات التى أجبرت على تنفيذ الأعمال بتكلفة فاقت حدود وامكانياتها .

الرصــاصــة الثــانيــة ( تحرير صرف سعر الدولار )

( مشهد 2 – ليل -خارجى ) فى الصحراء أمام أحدى المشروعات المتوقفة ونرى رجلان أحدهما يرتدى أفخر الثياب ممسكا بسيجاره الكوبى بيديه ينفث دخانه بعظمة فى حين يقف الأخر منكسرا

رجل 1 : يامعالى الباشا  أحنا مش اتفقنا ؟ سيادتك بترجع فى كلامك ليه ؟

رجل 2 : أنا عيل يا سيدى

رجل 1 : ( باندهاش وسخط ) عيل ؟!!! هو احنا بنلعب ف الشارع ؟!! ده شغل

رجل 2 : هو أنا قلت لك ماتشتغلش ؟ ما الشغل معاك زى ماهو .. يالا شد حيلك وخلصه فى ميعاده.

رجل 1 :حيلى أيه اللى أشده ؟!! هو انت خليت فيا حيل ( تنساب الدموع من عينيه ونلمح نظرات الشماتة والفرح فى عيون رجل 2 )

رجل 2 : بص بقى أنت بتلكك وشكلك كده مش بتاع شغل وحاتقرفنى

رجل 1 : بتلكك أيه ؟!! أنت أديتنى شغل أخلصه واتفقنا على السعر بناءا على سعر الخامات الموجودة ف السوق بتاعك .ينفع أول ما أبدأ الشغل ترفع عليا الأسعار أضعاف مضاعفة ؟

رجل 2 : والله البضاعة بتاعتى والسوق بتاعى أرفع براحتى وبعدين الدولار غلى

رجل 1 : ما انت اللى غليته عليا بعد ما اتفقنا أنك حاتدهولى بسعر رخيص مدعم علشان أقدر اشترى الخامات المطلوبة وبناءا على كده حددنا السعر اللى حاتدفعه ف الشغل بتاعك

رجل 2 : بقول لك ايه ؟ أنا دماغى وجعانى وشكلك كده حاتطير الحجرين اللى لسه ضاربهم

رجل 1 : حجرين أيه ؟!! الله يخرب بيت أم الهباب اللى بتشربوه ده . أنتوا مسؤلين عن  مصالح ناس وأرواحهم   . بتحددوا مصيرهم وانتوا مساطيل ؟!

رجل 2 : هو فيه أجدع من السطل ؟ ده حتى القرار يطلع مونون وملهلب

رجل 1 : أنت حاتقول لى ؟   بس أنت كده حاتخرب بيتى . اللى اخدته منك مش حايكفى ربع الخامات بتاعة الشغل بتاعك

رجل 2 : ربع نص ماليش دعوة … احنا ماضيين عقود مع بعض ولو ما خلصتش الشغل بتالعك مش حا أسيبك وحا اخرب بيتك وحا اجيب حد ينفذ الشغل وعلى حسابك .

رجل 1 : ( مستعطفا ) حرام عليك .. طب علشان خاطر عيالى اللى حايتشردوا ( رجل 2 يدير ظهره ) طب بلاش ولادى .. علشان خاطر ربنا ( رجل 2 يضع يديه على أذنيه ويقترب رجل 1 منه ويصرخ فى أذنيه لعله يسمع ولا مجيب )

رجل 2 : بص بقى أنا مش عايز صداع حاتقولى ولادى وربنا … الكلام ده مابياكلش معايا

رجل 1 : حسبى الله ونعم الوكيل ( تفيض عيناه بالدموع وينحشر صوته فى حلقه ) حسبى الله ونعم الوكيل ( يمسك قلبه بيديه بألم ويسقط أرضا على ركبتيه ) ( محدثا رجل 2 ) ألحقنى أبوس أيدك .. حا أموت

رجل 2 : ( بسعادة غامرة ) ماحدش بيموت ناقص عمر وبعدين يعنى هو أنت حاتعيش تعمل ايه ؟ موت وريحنا وريح نفسك ( يتركه وينصرق ويربت بيديه على جيوبه ممنيا نفسه بملؤها قريبا )

رجل 1 : الحقنى ( يتهدل صوته ويحاول أن ينهض من سقطته ويلتفت إليه رجل 2 ويراه يحاول النهوض فيتجه إليه مسرعا ويضربه بقدمه بكل قوة ليطيح به أرضا ثانيا ويفقد رجل 1 الوعى

أظلام تام

Cut

لينك الحلقة الأولى

عمال شركة مساهمة البحيرة يطالبون الدولة بالنظر بعين العطف وتطبيق الحد الأقصى للتقشف عليهم ..!!!

لينك الحلقة الثانية

http://www.allwaaelaraby.net/?p=58095