اعظم سلام..

مقدمه اليكم من خارج الوطن عنى وعن عائلتى ناجى مرسى..

٦\٨\٢٠١٥

اعظم سلام للى التزم بوعودوا واحترم الكلام… اجمل تحيه لحد عارف سكته ..انجز وحقق فكرته وفى موعده أدا التمام.. قائد ومارس مهنته..واضحه الشجاعه فى خطوته وبحكمته خلص الكلام.. بدأت شهامته بدعم شعبوا فى محنته…سخر رجالوا لأمن بلده وخدمته..وبفضلهم رجع الامان…اعلن ولائه للوطن..بعد انكسارنا وفوضى عامه من المحن.. عاهدنا ترجع مصر تانى ام لينا كلنا وهاتبقى زينة الامم… لف البلاد..صحح ووضح للجميع معناها ايه ام الولاد..معناها ان الكل لازم يلتزم..وان احنا دايما شعب واقف ع الحياد.. واللى يفكر يوم يهدد أمننا ..نستقبلوا بنعل البياد..الا اللى حابب ودنا ..ييجى يشاركنا فرحنا ..مصر النهارده بتحتفل بالانجازات..اللى هاترفع رأسنا.. مدوا ايديكم بالسلام هاتلاقوا دايما شعبنا..فاتح ذراعوا للجميع ..بنقولكم من قلبنا.. اولادنا حفرولكوا القنال…يالا اعبروا من عندنا…سيروا ببركة الاله عايزين ناخدكوا فى حضننا .. الدعوه عامه وكل واحد مننا يرفع راياته للسفن..لحظات ويبدأ حفلنا…. ونصيحه منى لكل حاقد……..انتبه..انتبه..اوعى تعتب ارضنا فيها اسود راح ينهشوك.. دى قناتنا جاهزه للعبور فى حمايه شامله م النسور وهانفتديها بعمرنا… يارب بارك للجميع …يارب عزز مصرنا.. عن المواطن المصرى الاصيل ..عن كل مغترب اراد لوطنه العزه والرخاء..هذه مشاعر كل الاوفياء..