كما وعدنا مشاهدى جريدة اللواء العربى بان ننشر كل ما يكتبة الشاعر هانى الجخ اليوم نشر اخر ما كاتبة شاعرنا بعنوان
(انا محبوس)
انا محبوس يا بلدي عشان قلمي … انا محبوس عشان اسمي اللي انا شايلة مع كفني انا محبوس علشان خاطرك انتي يا بلدي وانا المحبوس عشانك انتي يا مصر يا سندي كان كل يوم اصحي علي صوت الادان واجراس الكنايس اللي جمب صوت الادان.. راحو فين كان كل يوم افضل اكلم حبيبتي بالساعات … وكنت بفرح منها حتي بالسكات كنت بفرح لما بشوف نظرة الحب ليا … في عيون كل البنات وكنت بفرح لما اشوفك .. كنتي امي وكنتي اختي .. كنتي حلم العمر كلة .. يا ست البنات الكلام هو الكلام ومافهوش جديد .. ما فيش غير صوت الرصاص يا بلدي .. هو الصوت الاكيد انا محبوس يا بلدي وجواكي .. اداوي الجرح بالجرح .. سواد الليل وصوت الريح هما اللي سكنينك لو كنتي فاكرة يا بلدي اني احساسي بيكي مات … تعالي افكرك باللي جوايا .. دنتي الارض والعرض والولد وفرحي في كل شبر فيكي يا بلد انا محبوس ومظلوم … وياما في الحبس مظاليم … وياما عدت علينا ايام طويلة من الغربة .. بس اللي يسمع مين هما اللي مجانين .. ولا احنا اللي مش حاسين كنا نجري في الشوارع والحارات عشقي ليكي ما كنش وهم ولا كان خيال .. ولا كنش حتي شئ محال اكتب يا تاريخ وسطر سطورك … وسطر سطور الحزن فيك . . ببكي علي التاريخ اللي راح .. ببكي من الاوجاع كل واحد فينا فية وجع . .. اللي يتوجع علي الحبيب .. واللي يتوجع علي الماضي اللي راح .. واللي يتوجع من بكرة واللي جاي واللي راح .. وانا بتوجع عليكي يا بلد .. فيكي الظلم بالمكاييل وناس بتسمع … مواويل بس اللي يسمع مين
التعليقات مغلقة الان