* أنتى هى *
بقلم الكاتب والشاعر ناجى أنس //
إنتي هي
هو انتي مش حاسه بقيمتك ؟
وبعظمتك وبتسامحك
وبأمانك وبمكانك وبمكانته ؟
طب شوفي يا أم الكرم
إنتي إيه بين الأمم
عزه وفخر وكام هرم
ويا نيل يبان في ليل
واللي يجيلك
علي وشه بسمه بتترسم
بلسم ترابك مع ميتك
خللي طينك ياعزيزه محترم
ماسبش جرحك إلا لما يلتأم
أرض طاهره صابره قاهره
نادره قادره حره تدي للدنيا بقدره
آيه آيه جوه مصحف
شريف يشرف
بنورمنور وياكوثر فاتحه إيدها
قاريه فاتحه في مدنه ماده
فارده إيمان يعلي بيه الله أكبر
صوت يكبر جي من بحري
بيحضن دفئ قبلي ضمه سينا
بأيادي شابه طله شغاله
مش بطاله وعاله
لسا طالعه حره
اخده م اللي كبروا أقوي خبره
يا أم مريم وبنت أخت الست فاطمه
مقابله مينا بنقشبندي
وقلب شماس ابن ناس
حاطط أساس النهار دا ويابكره
ولا انتي لاذمك أي شهره
انتي لمه ناس هنيه مش عاديه
غاليه أيوه مش رخيصه
واعيه حريصه جامعه ناسك
جوه جدران الكنيسه نور لشمعه
انجليله أرمنيه مرفصيه
انتي ترنيمه كريمه قيمه عظيمه
فيكي علم عجيب غريب
كان دليل رسمه محبوبك نجيب
وابن نيل أحمد زويل
اللي حاضناه القلوب
وابن يعقوب مجد عارف
أي قلب نبت للأفراح تقاوي
زرع شعراوي وقناوي
حب طالل من سنابل
للي غاوي تاريخ يساوي
بالهنا سبع تلاف سنه وسنه
ياللي ابنك للحزن طاوي
وهو لابس بدله كامله
واما يرووح يستريح
يلبس بدلها جلابيه
بالطقيه والكوفيه
انتي مش حبه يادوب
انتي حبه عاشقه نبضات القلوب
أم حلوه بزحمتك
فيكي دوشه بس طفله رقه روشه
سمحه كيوت أحلي فيس
غالي نفيس
فيه حاجات م اللي بتخليني قادر
جد طبعا مش مناظر
فيكي لاب توبات وتاب
وات ساب وشات
سكر مكرر منتور
واما أتوه منك واسرح بألتقيكي
في أي سايبر استريح
البعيد يقرب أكتر في دمي يكتر
أرض جنه فيها فرض وفيها سنه
فيها صفحات كان وكنا
خلتيني فيكي دبت مها بعدت
فيكي بابقي
ومهما قلت ومهما عدت
أي كومنت ووصفت
لوحاشيلك فوق كتافي
مش حيكفي يا خير كتير كبيروكافي
مانتي بطيبتك وبطبعتك
شئ مشرف
شوفي فيكي كام الف متحف
شمس سخنه بس دافيه
و سقعتك جي منها برد صحه
ايه يعني كام عظسه وكحه
حاجه بتخليني أصحي
أعمل في خير أحس حتي الفقير
إللي مش لاقي له لقمه يبات بعشوه
حاف جفاف تقابلهاشفه
تحس رعشه بس قلبه دفي نفسه
كإن فوقه كام لحاف
حلمه حتي ان يتصور في منظر
جنب حته لحمه بايته فايته
باقيه م اللي خطفوا لهفوا نهبوا
هبشوا نتشوا لطشوا
سرقوا بس سابوا
بواقي باقيه وقالوا ديا للغلابه
وكإننا عايشين في غابه
اللى فيها م الديابه
بس أنا ياستي راضي
طول ما إنتي باقيه قصادي
ومش حيقدر أي واطي
يجبني ويخليني اطاطي
مش حطاطي الاليكي
انت ياللي فاتحه بابك للي غاب
عشان انتي حره
راح يشوف أكل عيشه
في بلاد بره
راح يحارب بس سابك
وبيته عامر وانتي بابك
مش موارب
وانا راهنت علي شبابك
اللي ضحي بعمره كام ألف مره
والحياه مش مرتين
مها طالت السنين
حنععيشها بيكي موحدين
متوحدين بإيمان ودين
وهي كات دامت لمين
هي مره حلوه مره مره
هي واحده حاجه ثابته معروفه
والحياه مره وتخلص مش بروفه
إدي لولادك شبابك
بس فرصه يعيشوا صح طمنيهم
أمنيهم اضمني ليهم حياه تكون كريمه
تقوي بيهم مكنيهم وانتي بيهم
حتبقي قيمه لما شبابك
دا يروق حتبقي فوق
واحنا كبرنا ولا صغرنا
حنحط إيدنا في إيد شبابك
اللي صانك م اللي صابك واللي عابك
ماهو طالع من اساسك من خلاصك
وانتى مش سهله بسيطه
ولا سال لعابك انتي دهر
واقوي حيطه حويطه بالحيطه قويه
أيوه تقيله يعني انتى مش خفيفه
إنتي لينا حب طيب جي بحنانك يطبطب
بس مرعب للي خان ولأي مذنب
قلب أبيض صافي حر
أغلي فينامن أي عمر
ورغم هم وطعم مر
انتي أحلي من أحلاها سكر
شهدك شفا عسلك مكرر
أحلي من أحلي من أهلاها
تمرغاليه في نني ياحته مني
ياكل المني والتمنى يا أنا انتي يامصر
التعليقات مغلقة الان