* * أم الدنيا * *
بقلم الكاتب والشاعر ناجى أنس //
٠٠ام الدنيا٠٠
مصر اديتك وبتديلك
وانت بقي اديتلها ايه
انت مدين ليها بحياتك
دين مش ممكن حتوفيه
احنا اللي بنوصل روحنا
للحال اللي منرضاش بيه
اللي يفكر ويجررحنا
نسكت له بأماره إيه
لازم تسكن فينا الغيره
وتكون من قلبناو قويه
لو مشاكلنا بجد كتيره
حلها يبقي بإيد مصريه
ليه نشكي وجعنا لبلاد
مبتعملش حساب لعروبه
لو ننسي الغلطه حتنعاد
واحنا سامحنا اكتر من نوبه
لما نخاف كلنا علي بعض
الخوف مش حنفكر فيه
اللي ف نفسه بنفسه يهد
عمر ماحد حيبكي عليه
ليه م اللي بيحصل نستغرب
ونقول داحنا ملناش زي
نفضل ساكتين ليه ونطبطب
وكإننا فاقدين الوعي
بيحضروا لينا ف مصيبه
واحنانقول دول زي اخوتنا
ليه بنعامل دولا بطيبه
وهمامصرين علي خيانتنا
اللي بتطلع منه العيبه
وبينكر حق الاديان
العيبه منه متبقاش عيبه
ماهي من حدمالهش أمان
مسألناش نفسنا لو مره
اللي بيحصل حاصل ليه
سرنا ليه بنطلعه بره
والمفروض حوطنا عليه
لودمنا اصبح لنا هاين
ازاي حنلم المكسور
الشرخ حيفضل فيه باين
يكسر أي شعاع من نور
ضفرك لويطلع من لحمك
راح تتألم ميه الميه
ممكن يطلع بس بدمك
وساعتها يكون دمنا ميه
انامبقولش كلام ف الفاضي
و مضينا معروف للكون
لوملناش اصلا في الماضي … المستقبل مش مضمون
ربنا حارسك وعلشان حاببك
خلاكي في قرآنه آيات
مصر في مصحف ربنا جايبك
وسط آياته خمس مرات
امتي يأم الدنيا حنانك
حيكون لاولادك وعشانهم
ولا يبقاش خيرك وامانك
للي ماحد في مره آمنهم
ناس بتغشك من ورا وشك
وانتي تداري برضه يامصر
وامابتدعي عليها من طيبتك
قلبك بيقول بعد الشر
شعبنا مصري واصلي اصيل
بس لإمتي حيقبل ظلم
اللي يعادي ولاد النيل
يبقي معندوش دين ولا دم
لمابصوت عالي حنفكر
من غير مانسمع ناس تانيه
نقدر امتي نقول ونقرر
للعالم والكون والدنيا
مصر اساسا مش محتاجه
حد يكون هنا واصي عليها
مصر مهيش قاصر ولا حاجه
واكبر م اللي يقرب ليها
اللي حيجي يقرب منك
قادره يامصر انك تنهيه
واناعن نفسي شايل علمك
رافع راسي وعيني عليه
الجدعنه انك تحسبها
وتكون فاهم للي اتقال
مش جدعنه بلدك دي تسبها
بتضحي عمال بطال
بالعقل انت إعقلها وريح
راحتك ملك ليدك وحدك
بس تكون واعي ومفتح
للي بيحصل من ورا ظهرك
عيش دورك وانت ماتندمش
وتعيش بقي دور غيرك ليه
يعني اناقصدي مادخلش
روحك في اللي مالكشي فيه
احسن لنانصدق مع بعض
ونراعي الحرف في كلمتنا
ليه ناخد بقي مجهود حد
ونقول ان احنا اللي عملنا
ليه نفضل باقين علي حالنا
خايفين ناخد اي قرار
لمانقول ماأخدناش بالنا
نبقي داوينا الجرح بنار
كلنا هنا جاين يابهيه
عارفين حضنك حيكفينا
بالنسبه لك حاجه عاديه
دفئ حنانك فينا مالينا
مهما يكون حوالينا ديابه
قادرين اننا نخلص منهم
خلي سلاح كفك سبابه
لما تشاور بيه تقتلهم
يبقي صباع واحد م العشره
طلقه ومننها فيها زناد
اللي ماصنش في مصر العشره
يتحط مابين الاموات
شيل من قلبك احساس خوفه
تقوي ايام وسنين قدام
حس شعور أغراب بيطوفوا
شافوا ابو الهول والاهرام
اللي في مصر الام اتربي
ورضع حب وهو صغير
قلبه حيدي ياما محبه
كل مايكبر حبه حيكتر
خايف لانتوه من بعضينا
ونسلم بالحال دا ونرضي
مصر نشلها في نن عنينا
نبقي اكيد كلنا ايد واحده
المركب يلزم له شراع
وطريقه لازم يتحدد
م تخليش حقك ده مشاع
حابي عليه لاتعيش متهدد
اللي بيشرب ميه نيلك
خانك برضه ولسا مآمنه
بعد الغدر ده كله يجيلك
والقاك ساكت متطمن له
ربنا قالك اللي يغشك
متحطش ايدك في اديه
فاتح صدرك للي غدربك
امال امتي حتقضي عليه
مصر دي فخر ودين وعباده
هي بناسها ياناس حاجه تانيه
مجبتهاش للكون ولاده
مصراتولدت قبل الدنيا
يوم الصعب مايجي بمحنه
احنا بإيدنا نروح و نحله
مصرمفيش ولا وجه مقارنه
بينها وبين العالم كله
٠٠٠٠٠
التعليقات مغلقة الان