* أخر حضن *

كان عقلى فين ؟
وانا بقولك مع السلامه
ساييباك تروح
فيه حد يرضى كده بالبعاد
وازاى حاعيش بلا اى روح ؟
لكن انا عزائي الوحيد
انك فى جنه مع كام شهيد
ادعيلى يابنى انك تاخدنى
معاك هناك
وادعى كمان عشان ابوك
يكون معاك
شفت يابنى
دا أى حد فى الدنيا ديا
مستنى دعوه من ابوه وامه
الا احنا وكمان حبايبك
بيقولولك ادعى لنا نبقى
جنبك فى جنه
ووعد منى ضناك يابنى
فى عنيا دول ايوه بجد
عزاز عليا دا اعز ولد
ولد الولد
ووعد اول
انا حافضل ادعى وربك حيقبل
انا وابوك على طول وديما
عشان يابنى وانت مابينا
عمرك ماقلت أف ابدا
احساس بجد قاسي فظيع
ان انت تخسر ابن غالى
طيب حنون عطوف مطيع
بيحب ربه وربه حبه
خلاص يابنى من النهاردا
مفيش دموع ولا اى جرح
من السعادى حاقول دا عادى
واحس فرح
عشان ما انت فى الدنيا كنت
امانه عندى وكنت ايوه باحبها
دى الوقتى ربك طلب امانته
ابنى اللى صنته وانالعظمته رجعتها .